అవతార్ లో అవకాశం వస్తే వదులుకున్నాను
cinema | Suryaa Desk | Published : Tue, Mar 11, 2025, 10:29 AM
జేమ్స్ కామెరూన్ అద్భుత సృష్టి ‘అవతార్.. ఫైర్ అండ్ యాష్’ ఈ ఏడాది డిసెంబర్ 19న విడుదల కానుంది. గత రెండు చిత్రాలకంటే ఈ సినిమా నిడివి ఎక్కువ అని దర్శకుడు జేమ్స్ కామెరూన్ చెప్పారు. ‘అవతార్’ గురించి కొన్ని ఆసక్తికరమైన విషయాలను బాలీవుడ్ నటుడు గోవిందా ఇటీవల ఇచ్చిన ఓ ఇంటర్వ్యూలో వెల్లడించారు. ఒకసారి అమెరికా వెళ్లినప్పుడు ఓ వ్యాపారవేత్త జేమ్స్ కామెరూన్ను పరిచయం చేశాడనీ, డిన్నర్ చేస్తూ అవతార్ గురించి జేమ్స్ చెప్పాడనీ, ఆ సినిమాకు ‘అవతార్’ అనే పేరు పెట్టమని తనే సూచించానని గోవిందా చెప్పారు. ‘అవతార్’ సినిమాలో శామ్ వర్తింగ్టన్ హీరోగా నటించారు. అయితే ఆ సినిమాలో హీరో పాత్ర చేయమని మొదట గోవిందాను అడిగారట జేమ్స్ కామెరూన్. 410 రోజులు పని చేయాలనీ, రూ. 18 కోట్ల ఆఫర్ కూడా ఇచ్చారట. గోవిందా మొదట ఓకే చెప్పారు కానీ శరీరానికి పెయింట్ వేసుకోవాలని జేమ్స్ చెప్పడంతో ‘అన్ని రోజులు పెయింట్ వేసుకుని నటిస్తే నేను ఆస్పత్రిలో చేరడం ఖాయం అని నో చెప్పేశాను’ అని ఆ ఇంటర్వ్యూలో వివరించారు గోవిందా. ఈ విషయాలు ఇప్పుడు సోషల్ మీడియాలో వైరల్ అవుతున్నాయి.
|
|