శరవేంగంగా కెజిఎఫ్ చాప్టర్ -2 చిత్రీకరణ
cinema | Suryaa Desk | Published : Tue, Jul 30, 2019, 11:48 AM
యువ కథానాయకుడు యశ్ నటించిన ‘కేజీఎఫ్ చాప్టర్- 1’ ప్రపంచవ్యాప్తంగా బాక్సాఫీస్ వద్ద 250 కోట్ల వసూళ్లు సాధించి సంచలనాల సృష్టించిన విషయం తెలిసిందే. ప్రశాంత్ నీల్ దర్శకత్వంలో హోంబలే ఫిలింస్ సంస్థ అత్యంత భారీ బడ్జెట్తో నిర్మించిన ఈ చిత్రాన్ని కైకాల సత్యనారాయణ సమర్పించారు. కన్నడం, హిందీ, తెలుగు, తమిళంలో చక్కని వసూళ్లతో ఆకట్టుకుంది. ప్రస్తుతం ఈ ఫ్రాంఛైజీలో సీక్వెల్ సినిమా ‘కేజీఎఫ్ ఛాప్టర్ 2’ శరవేగంగా పూర్తవుతోంది. తాజాగా ఈ సినిమాలోని అధీరా పాత్రలో ఉన్న సంజయ్ దత్ లుక్ని చిత్రయూనిట్ విడుదల చేసింది. సంజయ్దత్ లుక్కి చక్కని స్పందన వచ్చిందని చిత్రయూనిట్ తెలిపింది. కేజీఎఫ్ ఛాప్టర్ 2 చిత్రీకరణ జెట్ స్పీడ్తో పూర్తవుతోందని, ఇప్పటికే మైసూర్ షెడ్యూల్స్ పూర్తి కాగా ప్రస్తుతం బెంగళూరు కోలార్ మైన్స్లో వేసిన భారీ సెట్స్లో మూడో షెడ్యూల్ షూటింగ్ జరుగుతున్నట్లు నిర్మాతలు తెలిపారు. అంటే కాకుండా 23 ఆగస్టు నుంచి హైదరాబాద్ పరిసరాల్లో షెడ్యూల్ కొనసాగుతుబోన్నట్లు. ఆ తర్వాత కర్నాటక- భళ్లారి మైన్స్లో సంజయ్దత్ అధీరా పాత్రపై చిత్రీకరణ, ఈ షెడ్యూల్తో మెజారిటీ పార్ట్ చిత్రీకరణ పూర్తవుతుందని వారు తెలిపారు.
|
|