మూవీస్ రిలీజ్ డేట్స్
cinema | Suryaa Desk | Published : Tue, Jul 30, 2019, 01:09 PM
ఆగస్టు మాసంలో సినిమాల పండుగ జరుగనుంది. ఈ నెలలో భారీ బడ్జెట్ సినిమాలు, పెద్ద పెద్ద స్టార్ హీరోల సినిమాలు రిలీజ్ కు సిద్ధమవుతున్నాయి. ఆగస్టు 2వ తేదీన బెల్లంకొండ శ్రీనివాస్ కథానాయకుడిగా, అనుపమ పరమేశ్వరన్ కథానాయికగా నటించిన సినిమా "రాక్షసుడు", ఆర్ క్స్ 100 ఫేమ్ కార్తికేయ హీరోగా, అనఘా హీరొయిన్ గా "గుణ 369" సినిమాలు విడుదలకు సిద్ధమయ్యాయి. ఇదిలా ఉండగా కింగ్ నాగార్జున, అందాల తార రకుల్ ప్రీత్ సింగ్ లు నటించిన "మన్మధుడు-2" , అనసూయ, అవసరాల శ్రీనివాస్ లీడ్ రోల్స్ లో నటించిన "కథనం" సినిమాలు ఆగస్టు 9 న థియేటర్ లలో సందడి చేయనున్నాయి. యంగ్ రెబెల్ స్టార్ ప్రభాస్ హీరో గా, బాలీవుడ్ తార శ్రద్ధ కపూర్ హీరోయిన్ గా భారీ బడ్జెట్ తో రూపొందుతున్న చిత్రం "సాహో", న్యాచురల్ స్టార్ నాని హీరో గా తెరకెక్కుతున్న "గ్యాంగ్ లీడర్" సినిమాలు ఆగస్టు 30 న ప్రేక్షకుల ముందుకు రానున్నాయి. ఆగస్టు 10న బర్నింగ్ స్టార్ సంపూర్ణేష్ బాబు "కొబ్బరిమట్ట", 15న అడవి శేషు, రెజినా హీరో హీరోయిన్లు గా నటించిన "ఎవరు", శర్వానంద్ హీరోగా, కాజల్ అగర్వాల్, కళ్యాణి ప్రియదర్శిన్ కథానాయికలుగా "రణరంగం" చిత్రాలు విడుదలకు సిద్ధంగా ఉన్నాయి. సెప్టెంబర్ మొదటి వారంలో వరుణ్ తేజ్ నటించిన "వాల్మీకి" చిత్రం విడుదలకు సిద్దమవుతున్నట్లు సమాచారం.
|
|