జగదేక వీరుడు అతిలోక సుందరి: మ్యాజికల్ రీయూనియన్ ఫుల్ ఇంటర్వ్యూ అవుట్
cinema | Suryaa Desk | Published : Fri, May 09, 2025, 09:25 AM
టాలీవుడ్ మెగాస్టార్ చిరంజీవి యొక్క 'జగదేక వీరుడు అతిలోక సుందరి' 35వ విడుదల వార్షికోత్సవం సందర్భంగా మే 9, 2025న అంటే ఈరోజు గ్రాండ్ గా రీ రిలీజ్ అయ్యింది. ఈ చిత్రం 4K రిజల్యూషన్ మరియు డాల్బీ ఆడియోలో 2డి మరియు 3డి ఫార్మాట్లలో అందుబాటులో ఉంది. తాజాగా ఈ చిత్ర హీరో మెగాస్టార్ చిరంజీవి, దర్శకుడు కె. రాఘవేంద్రరావు, మరియు నిర్మాత అశ్విని దత్ ఈ సినిమాని గుర్తు చేసుకుంటూ ప్రముఖ యాంకర్ సుమతో ఒక ఇంటర్వ్యూని చేసారు. తాజాగా ఇప్పుడు ఈ ఫుల్ ఇంటర్వ్యూ వీడియోని మేకర్స్ విడుదల చేసినట్లు ప్రకటించారు. ఈ విషయాన్ని తెలియజేసేందుకు ప్రొడక్షన్ హౌస్ సోషల్ మీడియాలో స్పెషల్ పోస్టర్ ని విడుదల చేసింది. ఈ చిత్రంలో మెగాస్టార్ చిరంజీవికి జోడిగా శ్రీదేవి నటించింది. రాఘవేంద్ర రావు దర్శకత్వం వహించిన ఈ చిత్రానికి ఇళయరాజా సంగీతాన్ని అందించారు. ఈ చిత్రంలో షాలిని, షామ్లీ, బ్రహ్మానందం, అమ్రిష్ పూరి ఇతరులు కీలక పాత్రలలో నటించారు. ఈ చిత్రాన్ని అశ్విని దత్ నిర్మించారు. ఈ చిత్రం మొదట మే 9, 1990న విడుదలైంది మరియు బాక్సాఫీస్ వద్ద అనేక రికార్డులను బద్దలు కొట్టింది.
|
|