వరల్డ్ టీవీ ప్రీమియర్ తేదీని లాక్ చేసిన 'విరూపాక్ష'
cinema | Suryaa Desk | Published : Sat, May 17, 2025, 09:11 AM
కార్తీక్ వర్మ దండు దర్శకత్వంలో మెగా హీరో సాయి ధరమ్ తేజ్ నటించిన మిస్టికల్ థ్రిల్లర్ 'విరూపాక్ష' సినిమాలో సూపర్ హిట్ గా నిలిచింది. ఈ చిత్రం బాక్స్ఆఫీస్ వద్ద సాలిడ్ కలెక్షన్స్ ని రాబట్టింది. ఈ సినిమా విపరీతమైన పాపులారిటీ సంపాదించడమే కాకుండా సాయి తేజ్ కెరీర్ లోనే అత్యధిక కలెక్షన్స్ రాబట్టి సరికొత్త రికార్డు సృష్టించింది. తాజా వార్త ఏమిటంటే, ఈ బ్లాక్ బస్టర్ చిత్రం ప్రపంచ టెలివిజన్ ప్రీమియర్ మే 17న రాత్రి 9 గంటలకు స్టార్ మా మూవీస్ ఛానెల్‌లో ప్రదర్శించబడుతుంది. SVCC బ్యానర్‌పై BVSN ప్రసాద్ విరూపాక్షను నిర్మించారు. ఈ సినిమాలో సంయుక్తా మీనన్ కథానాయికగా నటించింది. అజయ్, సాయి చంద్, శ్యామల, బ్రహ్మాజీ, సునీల్, రాజీవ్ కనకాల, రవికృష్ణ, సోనియా సింగ్ తదితరులు ఈ సినిమాలో ముఖ్య పాత్రలు పోషించారు. అజనీష్ లోక్‌నాథ్ ఈ సినిమాకి స్వరాలు సమకూర్చారు. ఈ చిత్రానికి స్టార్ డైరెక్టర్ సుకుమార్ స్క్రీన్ ప్లే రాశారు.
|
|