$50K మార్క్ కి చేరుకున్న 'భైరవం' USA ప్రీమియర్ గ్రాస్
cinema | Suryaa Desk | Published : Sat, May 31, 2025, 03:51 PM
తమిళ బ్లాక్బస్టర్ గరుడన్ యొక్క అధికారిక తెలుగు రీమేక్ 'భైరవం' పేరుతో మే 30న విడుదల అయ్యింది. బెల్లంకొండ సాయి శ్రీనివాస్ ప్రధాన పాత్రలో నటించిన ఈ సినిమాకి పాజిటివ్ స్పందన లభిస్తుంది. విజయ్ కనకమేడల దర్శకత్వం వహించిన ఈ సినిమాలో మంచు మనోజ్ మరియు నారా రోహిత్ కూడా ముఖ్యమైన పాత్రల్లో నటించారు. ఈ సినిమాని ఓవర్సీస్ లో ప్రత్యంగిరా సినిమాస్ బ్యానర్ పై విడుదల చేసారు. తాజాగా ఇప్పుడు మూవీ మేకర్స్ ఈ సినిమా యొక్క USA ప్రీమియర్ గ్రాస్ $50K మార్క్ కి చేరుకున్నట్లు ప్రకటించారు. ఈ విషయాన్ని తెలియజేసేందుకు ప్రొడక్షన్ హౌస్ సోషల్ మీడియాలో సరికొత్త పోస్టర్ ని విడుదల చేసింది. ఈ సినిమాలో అదితి శంకర్, దివ్య పిళై, ఆనంది కీలక పాత్రలలో నటిస్తున్నారు. ఈ సినిమాలో ప్రముఖ దర్శకుడు సందీప్ రాజ్, అజయ్, శరత్, జయసుధ, సంపత్ రాజ్, గోపరాజు రమణ ముఖ్య పాత్రలలో కనిపించనున్నారు. సాంకేతిక బృందంలో సినిమాటోగ్రాఫర్ హరి కె వేదాంతం, మ్యూజిక్ కంపోజర్ శ్రీ చరణ్ పాకాల, ఎడిటర్ ఛోటా కె ప్రసాద్, ప్రొడక్షన్ డిజైనర్ బ్రహ్మ కడలి ఉన్నారు. పెన్ స్టూడియోస్కు చెందిన డాక్టర్ జయంతిలాల్ గదా ఈ చిత్రాన్ని సమర్పిస్తున్నారు. శ్రీ చరణ్ పాకాల ఈ చిత్రానికి సంగీతాన్ని అందిస్తున్నారు. శ్రీ సత్యసాయి ఆర్ట్స్ బ్యానర్ పై ఈ సినిమాని నిర్మిస్తున్నారు.
|
|