నూతనంగా ప్రచారాన్ని పూర్తి చేసిన ఆర్.ఎస్ ప్రవీణ్ కుమార్
Telangana Telugu | Suryaa Desk | Published : Sun, May 12, 2024, 02:02 PM
రాష్ట్ర అధికారిగా గురుకులాల్లో తెచ్చిన మార్పులే తన పనితనానికి నిదర్శనమని తనను గెలిపిస్తే నాగర్ కర్నూల్ ను ప్రపంచపటంలో నిలబెడతానని ఒకానొక ఇంటర్వ్యూ లో ఆర్.ఎస్ ప్రవీణ్ కుమార్ మాట్లాడారు. కొన్ని పాయింట్ లతో ప్రచారంలో ఇన్ని రోజులు ముచ్చటించారు. ఇప్పుడు వాటిని ఒక సారి టచ్ చేసే ప్రయత్నం చేద్దాం. అతను పలు మీటింగ్ లో మాట్లాడిన మాటలు ఇవే. అధికారిగా ఉన్నప్పుడు ఎందరో విద్యార్థులను ఉన్నతంగా తీర్చిదిద్దిన విషయాన్ని బలంగా చెప్పడం ద్వారా యువ ఓటర్లపై ఆర్.ఎస్ ప్రవీణ్ దృష్టి పెట్టారు . తన హయాంలో పైలెట్లు, ఇంజినీర్లు, నౌకలు నడిపే కెప్టెన్లు తయారయ్యారని చెప్పడం ద్వారా తన పరిచయాలతో ఉపాధి అవకాశాలు కలుగుతాయనే భావన ఏర్పరిచారు. రోడ్డు షోలలో విమర్శల కంటే ముందుగా తాను ఐపీఎస్ ఆరేళ్ల పదవీ కాలాన్ని వదులుకొని నిస్వార్ధ సేవల కోసమే రాజకీయాల్లోకి వచ్చానంటూ చెప్పుకొచ్చారు. ఆ తర్వాతనే రాజకీయ విమర్శలు చేశారు. ప్రత్యర్థి స్థానికేతరుడంటూ ప్రచారంలో ప్రస్తావించారు. పార్లమెంటు నియోజకవర్గం అభివృద్ధిలో తన ముద్ర ఉండేలా చేస్తానంటూ ప్రజలల్లోకి వెళ్లేలా మాట్లాడారు..
|
|