ట్రెండింగ్
తీన్మార్ మల్లన్నకు దమ్ముంటే నాతో చర్చకు రావాలి: అశోక్
Telangana Telugu | Suryaa Desk | Published : Sun, May 19, 2024, 07:06 PM
జీఓ 46 సహా, నిరుద్యోగ సమస్యపై, ఉద్యోగాల కల్పనపై కాంగ్రెస్ ఎమ్మెల్సీ అభ్యర్థి తీన్మార్ మల్లన్నకు దమ్ముంటే తనతో చర్చకు రావాలని ఇండిపెండెంట్ అభ్యర్థి పాలకూరి అశోక్ కుమార్ సవాల్ విసిరారు. జీవో 46 విషయంలో తీన్మార్ మల్లన్న దొంగ నాటకాలు ఆడుతున్నాడని మండిపడ్డారు. ఒకసారి జీవో అమలు చేస్తే తప్పులేదని అంటూ మరోవైపు వ్యతిరేకంగా మాట్లాడుతున్నాడని విమర్శించారు. అంతేకాకుండా జీవో 46 బాధితులను తీన్మార్ మల్లన్న అనుచరులు బూతులు తిడుతున్నారని ఆగ్రహం వ్యక్తం చేశారు. నిరుద్యోగుల అంశాల్లో తీన్మార్ మల్లన్నకు కనీస అవగాహన లేదని, ఆయనను చట్టసభలకు పంపితే... నిరుద్యోగులను పట్టించుకునే పరిస్థితే ఉండదన్నారు.
|
|