పది గ్రాముల బంగారం ధర ఎంతో తెలుసా ?
Telangana Telugu | Suryaa Desk | Published : Wed, Jul 24, 2024, 11:17 AM
ఈసారి బడ్జెట్లో ఆర్థిక మంత్రి నిర్మలా సీతారామన్ పెను సంచలనానికి తెరతీశారు. బంగారం, వెండి, ప్లాటినం వంటి విలువైన లోహాలపై సుంకాల్లో సగానికిపైగా కోత పెట్టడంతో వాటి ధరలు మార్కెట్లో భారీగా పతనమయ్యాయి. ఇప్పటివరకూ బంగారం, వెండిపై 10 శాతం బేసిక్ కస్టమ్స్ ఉండగా, దీన్ని 5 శాతానికే పరిమితం చేశారు. దీనికి అదనంగా విధిస్తున్న వ్యవసాయ మౌలిక వసతుల అభివృద్ధి సుంకాన్ని 5 శాతం నుంచి 1 శాతానికి పరిమితం చేశారు. ఫలితంగా మొత్తం కస్టమ్స్ సుంకం 15 శాతం నుంచి 6 శాతానికి దిగివచ్చింది. జీఎస్టీ కూడా కలుపుకుంటే ప్రస్తుతం పసిడి, వెండిపై సుంకాల పన్ను భారం 18 నుంచి 9 శాతానికి తగ్గింది. సుంకాలు ఒక్కసారిగా తగ్గడంతో మేలిమి బంగారం ధర పది గ్రాములకు రూ. 6,200 మేర తగ్గింది. వెండి ధర కూడా కిలోకు రూ.3 వేల మేర పతనమైంది.
దీంతో దేశంలో బంగారం, వెండి ధరలు భారీగా పతనం అవుతున్నాయి. మంగళవారం పది గ్రాముల బంగారం ధర రూ. 75, 334 ఉండగా..బుధవారం నాటికి రూ. 3,950 తగ్గి రూ. 71,384కు చేరింది. మంగళవారం కిలో వెండి ధర రూ. 90, 950ఉండగా..మంగళవారం నాటికి రూ. 3,700 తగ్గింది. దీంతో రూ. 87,250 కి చేరింది.
|
|