ముఖ్యమంత్రి రేవంత రెడ్డి తో ఫాక్స్కాన్ చైర్మన్ శ్రీ యంగ్ లియూ సమావేశo
Telangana Telugu | Suryaa Desk | Published : Fri, Aug 16, 2024, 05:32 PM
తెలంగాణ ఆర్థిక వ్యవస్థకు ఊతమిచ్చేలా పెట్టుబడులకు అనుకూలమైన కొత్త విధానాలను ప్రజాప్రభుత్వం అమలు చేస్తోందని, అంతర్జాతీయ అవసరాలకు తగ్గట్టు హైదరాబాద్ శివారులో ఫోర్త్ సిటీ (ఫ్యూచర్ సిటీ) ని నిర్మిస్తున్నామని ముఖ్యమంత్రి గారు ఫాక్స్కాన్ చైర్మన్ శ్రీ యంగ్ లియూ గారికి వివరించారు. ఫోర్త్ సిటీలో ఫాక్స్కాన్ పెట్టుబడులు పెట్టాల్సిందిగా సీఎం ఆహ్వానించారు. అందుకు అవసరమైన సహకారాన్నిఅందిస్తామని భరోసా ఇచ్చారు.ఫోర్త్ సిటీ రూపకల్పనలో ముఖ్యమంత్రి దార్శనికత, పారిశ్రామిక అనుకూల విధానాలు తనను ఎంతగానో ఆకట్టుకున్నాయని యంగ్ లియూ చెప్పారు. ఫోర్త్ సిటీతో పాటు పారిశ్రామిక అనుకూల విధానాల్లో రేవంత్ రెడ్డి గారి విజన్ అద్భుతంగా ఉందని ఆయన ప్రశంసించారు. సాధ్యమైనంత తొందర్లోనే హైదరాబాద్ ను సందర్శిస్తానని తెలిపారు. తొలుత ఫాక్స్కాన్ క్యాంపస్ ఆపరేషన్స్ చీఫ్ క్యాథీ యాంగ్, ఫాక్స్కాన్ భారత దేశ ప్రతినిధి వీ లీ నేతృత్వంలోని బృందం హైదరాబాద్ వస్తుందని చెప్పారు.పెట్టుబడుల కోసం ముఖ్యమంత్రి గారి నేతృత్వంలోని ప్రతినిధి బృందం ఇటీవల అమెరికా, దక్షిణ కొరియా దేశాల్లో చేసిన పర్యటన, రాబట్టిన పెట్టుబడులు, ఆయా సంస్థలు ఆసక్తిని వ్యక్తీకరించడం వంటి విషయాలను ఫాక్స్కాన్ చైర్మన్కు మంత్రి శ్రీధర్ బాబుగారు వివరించారు.
|
|