అర్హులందరికీ రుణమాఫీ చేయాలి
Telangana Telugu | Suryaa Desk | Published : Wed, Aug 21, 2024, 04:52 PM
ఖమ్మం రూరల్ మండలంలోని ఏదులాపురం ప్రాథమిక వ్యవసాయ సహకార సంఘం పరిధిలో అర్హులైన ప్రతి రైతుకు రుణమాఫీ వర్తింపజేయాలని సీపీఎం జిల్లా కార్యదర్శి వర్గ సభ్యుడు భూక్య వీరభద్రం ప్రభుత్వాన్ని డిమాండ్ చేశారు.అర్హులైన రైతులకు రుణమాఫీ వర్తింపజేయాలని కోరుతూ పలు గ్రామాల రైతులతో కలిసి మంగళవారం ఏదులాపురం సొసైటీని సందర్శించారు.ఈ సందర్భంగా భూక్య వీరభద్రం మాట్లాడారు.సహకార సంఘం పరిధిలో 3200 మంది రైతులు ఉంటే దాదాపు 1500 మందికి రుణమాఫీ కాకపోవడం సిగ్గుచేటన్నారు.
ప్రభుత్వం వెంటనే స్పందించి 2 లక్షల రూపాయలు రుణమాఫీ అమలు చేయాలని కోరారు.రైతులను ఇబ్బందులకు గురి చేస్తే తీవ్ర పరిణామాలు ఎదుర్కోవాల్సి వస్తుందని ప్రభుత్వాన్ని హెచ్చరించారు.రుణమాఫీ పూర్తిస్థాయిలో అమలు చేయకపోతే భవిష్యత్తు పోరాటాలకు సిద్ధం కావాలని రైతులకు తెలిపారు.అనంతరం పలు సమస్యలతో కూడిన వినతిపత్రాన్ని బ్యాంకు ఉద్యోగి చంద్రయ్యకు అందజేశారు.ఈ కార్యక్రమంలో రైతులు గోంగూర వెంకట్,శ్రావణి,బండి లింగయ్య,బానోత్ వీరభద్రం,భూక్య బాలరాజ్,అజ్మీరా రమేష్,నాగమణి,చల్లా ఉపేంద్రయ్య తదితరులు పాల్గొన్నారు.
|
|