బతికున్న తండ్రికి డెత్‌‌‌‌‌‌‌‌ సర్టిఫికెట్‌‌‌‌‌‌‌‌.. ఎంతకు తెగించావురా, అసలు మనిషివేనా..?

ప్రస్తుత సమాజంలో మానవ సంబంధాలన్నీ ఆర్థిక సంబంధాలే. అందుకు తగ్గట్లుగానే కొందరు విచక్షణ కోల్పోయి రాక్షసుల్లా మారుతున్నారు. ఆస్తుల కోసం అయినవారిని కాదనుకుంటున్నారు. తాజాగా.. ఓ కుమారుడు బతుకున్న తండ్రినే చంపేశాడు. ఆస్తి కోసం తండ్రి పేరుతో డెత్ సర్టిఫికెట్ తీసుకున్నాడు. తండ్రి చనిపోయినట్లు డెత్ సర్టిఫికేట్ సృష్టించి ఆయన పేరుతో ఉన్న ఇంటిని భార్య పేరు మీదకు మార్చాడు. ఈ ఘటన నిజామాబాద్ జిల్లాలో చోటు చేసుకుంది.

వివరాల్లోకి వెళితే.. ఆంధ్రప్రదేశ్ రాష్ట్రానికి చెందిన మదంశెట్టి ప్రసాద్‌‌‌‌‌‌‌‌ అనే వ్యక్తి 40 ఏండ్ల కింద నిజామాబాద్‌‌‌‌‌‌‌‌ జిల్లాకు వలస వచ్చాడు. ఇక్కడే ఇండ్లు కట్టే మేస్త్రీ పనిచేస్తూ బస్సాపూర్‌‌‌‌‌‌‌‌లో స్థిర నివాసం ఏర్పరుచుకున్నాడు. అతడి భార్య రజని అనారోగ్య కారణాలతో నాలుగేళ్ల క్రితం కన్నుమూసింది. దీంతో ప్రసాద్‌‌‌‌‌‌‌‌ కొడుకు ఆశిబ్‌ ‌‌‌‌‌‌‌నాయుడు, కోడలు దయామణితో కలిసి బస్సాపూర్‌లోనే ఉంటున్నాడు. ప్రసాద్‌‌‌‌‌‌‌‌ పని కోసం అప్పుడప్పుడు వేరే ప్రాంతానికి వెళ్తుంటాడు. ఆరు నెలల వరకు అక్కడే ఉండి డబ్బులు సంపాదించుకొని తిరిగొచ్చేవాడు.

ఈ క్రమంలో తన తండ్రి ప్రసాద్‌‌‌‌‌‌‌‌ 2021లోనే చనిపోయాడని కుమారుడు ఆశిబ్‌ ‌‌‌‌‌‌‌నాయుడు ఫేక్‌‌‌‌‌‌‌‌ డెత్‌‌‌‌‌‌‌‌ సర్టిఫికెట్‌ తీసుకున్నాడు. ఆ సర్టిఫికేట్ ఆధారంగా తండ్రి పేరిట ఉన్న ఇంటిని తన భార్య దయామణి పేరిట అక్రమంగా రిజిస్ట్రేషన్‌‌‌‌‌‌‌‌ చేయించాడు. ఇంటి డాక్యుమెంట్లను బ్యాంక్‌‌‌‌‌‌‌‌లో తాకట్టు పెట్టి రూ.6 లక్షల లోన్‌ సైతం‌‌‌‌‌‌‌ తీసుకున్నాడు. అయితే ఇటీవల ప్రసాద్‌‌‌‌‌‌‌‌ గ్రామంలోకి రావడంతో ఇంటి రిజిస్ట్రేషన్‌‌‌‌‌ ‌సమయంలో సాక్షి సంతకాలు పెట్టినవారు అతడిని గుర్తించారు. చనిపోయిన వ్యక్తి ఎలా బతికొచ్చాడని గ్రామస్తులు చర్చించుకున్నారు. ఆస్తి కోసం కుమారుడే తండ్రి చనిపోయినట్లు నమ్మించాడని గుర్తించారు. విషయం తెలుసుకున్న ప్రసాద్‌‌‌‌ వెంటనే‌‌‌‌ పోలీసులకు ఫిర్యాదు చేశాడు.

దీంతో పోలీసులు ఆశిబ్ నాయుడుని అదుపులోకి తీసుకున్నారు. మరో వైపు తన సంతకాన్ని సైతం ఫోర్జరీ చేసి ఫేక్‌‌‌‌‌‌‌‌ సర్టిఫికెట్‌‌‌‌‌‌‌‌ సృష్టించారంటూ నాయుడుపై పంచాయతీ సెక్రటరీ సుకన్య పోలీసులకు ఫిర్యాదు చేసింది. ఆమె ఫిర్యాదు మేరకు పోలీసులు మరో కేసు నమోదు చేశారు. ఈ ఘటన స్థానికంగా చర్చనీయాంశంగా మారింది. ఆస్తి కోసం బతికున్న తండ్రినే చంపేశాడని.. వీడసలు మనిషేనా అని స్థానికులు మండిపడుతున్నారు.