ఉచిత వైద్య శిబిరానికి అపూర్వ
Telangana Telugu | Suryaa Desk | Published : Thu, Dec 05, 2024, 03:40 PM
జిన్నారం మండలం గడ్డపోతారం గ్రామపంచాయతీ కార్యాలయ ఆవరణలో బుధవారం ఆర్కే ఫౌండేషన్ ఆధ్వర్యంలో నిర్వహించిన ఉచిత వైద్య శిబిరానికి అపూర్వ స్పందన లభించింది. ఆర్కే ఫౌండేషన్ చైర్మన్ దండే రమాకాంత్ సహకారంతో ఏర్పాటు చేసిన ఉచిత వైద్య శిబిరంలో ఆర్వీఎం ఆస్పత్రి వైద్యులు వైద్య సేవలు అందించారు. గడ్డపోతారం ప్రజలతోపాటు కిష్టయ్యపల్లి, వావిలాల, అల్లినగర్ గ్రామాల ప్రజలు వైద్య సేవలను వినియోగించుకున్నారు.
మాజీ ఎంపీపీ రవీందర్ గౌడ్, గ్రామ మాజీ సర్పంచులు ప్రకాష్ చారి, ఎంపీ అశోక్, మాజీ ఎంపీటీసీ బాసెట్టి రాజు, నాయకులు శిబిరంలో పాల్గొని వైద్య పరీక్షలు చేయించుకున్నారు. ఈ సందర్భంగా ఆర్కే ఫౌండేషన్ చైర్మన్ దండే రమాకాంత్ మాట్లాడుతూ వైద్య శిబిరానికి విశేష స్పందన లభించిందని తెలిపారు. ఫౌండేషన్ ఆధ్వర్యంలో మండల వ్యాప్తంగా సేవా కార్యక్రమాలు చేపడతామన్నారు.
|
|