దేవాదాయ శాఖ అధికారులను అడ్డుకున్న గ్రామస్తులు

జగిత్యాల జిల్లా మెట్ పల్లి మండలంలోని వెల్లుల్ల ఎల్లమ్మ ఆలయాన్ని దేవాదాయ శాఖ పరిధిలోకి తీసుకున్నట్లు సోమవారం ఉత్తర్వులు వెలువడడంతో, మంగళవారం ఆలయాన్ని దేవాదాయ శాఖ సహాయ కమిషనర్ సుప్రియ ఆధ్వర్యంలో అధికారులు ఆలయాన్ని పరిశీలించి స్వాధీనపరుచుకున్నారు.విషయం తెలుసుకున్న గ్రామస్తులు ఆలయాన్ని దేవాదాయ శాఖ పరిధిలో తీసుకోవడం పట్ల ఆగ్రహం వ్యక్తం చేశారు. ఆలయం వద్దకు వచ్చిన అధికారులను అడ్డుకున్నారు. దీనితో ఆలయ పరిసరాల్లో కొంత ఉద్రిక్తత నెలకొంది. గ్రామస్తులు దేవాదాయ శాఖ నుండి ఆలయాన్ని తొలగించాలని అధికారులను కోరారు. గ్రామస్తులు ఆందోళన చేపట్టిన విషయాన్ని తెలుసుకున్న  మెట్ పల్లి సీఐ నిరంజన్ రెడ్డి ఆధ్వర్యంలో అధికాలకు బందోబస్తు ఏర్పాటు చేశారు.
అక్రమ వసూళ్ల పిర్యాదుతో చర్యలు వెల్లుల్ల ఎల్లమ్మ దేవస్థానాన్ని దేవాదాయ శాఖ అధీనంలోకి తీసుకోవడాన్ని దేవాదాయ శాఖ సహాయ కమీషనర్ వివరాలు వెల్లడించారు. గత 8 సంవత్సరాలనుండి దేవాదాయ శాఖ కు అక్రమ వసూళ్ల పై అనేక పిర్యాదులు అందయాన్ని, అదేవిధంగా గత రెండు సంవత్సరాలనుండి ప్రతి రోజు పిర్యాదు రావడం వల్లే దృష్టి సారించమన్నారు. దేవాలయం ఆర్థిక వ్యవహారాలను ఆడిటింగ్ నిర్వహించగా అక్రమాలు జరిగినట్లు విచారణలో నిర్దారణ జరిగిందన్నారు.ఈ విషయం దేవాదాయ రాష్ట్ర కమీషనర్ మరియు వరంగల్ శాఖ సహాయ కమీషనర్ ఆధ్వర్యంలో నిర్వహించగా తెటతెల్లం అయిందన్నారు. దింతో ఆలయాన్ని స్వాదినపరచుకున్నట్లు ఆమె వెల్లడించారు. ఇక మీదట గ్రామాభివృద్ధి కమీటి వారు సహకరించాలని కోరారు. ఏవైనా పిర్యాదులు ఉంటే ఆలయ నిర్వహణ అధికారి దృష్టికి తీసుకురావాలన్నారు. ఆలయ సిబ్బంది తమకు సహకరించాలని రానున్న రోజుల్లో ప్రభుత్వ సిబ్బందిగా అయ్యే అవకాశలు ఉన్నాయాన్నారు.
ఆలయ అభివృద్ధికి ఆటంకం ఎల్లమ్మ దేవాలయం అభివృద్ధి జరిగింది అంటే గ్రామభివృద్ధి వల్లే సాధ్యం అయిందన్నారు. ప్రభుత్వం ఆధీనంలో దేవాలయం ఉంటే భక్తులకు సౌకర్యాలు మెరుగుపరిచడానికి, ఆలయ అభివృద్ధి సహకారం ఉండదన్నారు. దేవాదాయ శాఖ వారు ఆదాయం మాత్రమే తీసుకుని అభివృద్ధి ని కుంటు పట్టిస్తారాన్నారు. ఆలయాన్ని దేవాదాయ శాఖ నుండి తీసి వేసే వరకు పోరాటం కొనసాగిస్తాం అన్నారు.