సీఎం కప్ ఆటల పోటీలను పకడ్బందీగా నిర్వహించాలి
Telangana Telugu | Suryaa Desk | Published : Wed, Dec 11, 2024, 02:56 PM
సీఎం కప్ ఆటల పోటీలను పకడ్బందీగా నిర్వహించాలని తహశీల్దార్ హిమబిందు, ఎంపీడీవో సుష్మ,ఎంఈఓ తల్లాడ శ్రీనివాసరావు సూచించారు.మంగళవారం ఎంపీడీవో కార్యాలయంలో ఆయా పాఠశాల ప్రధానోపాధ్యాయులు,వ్యాయామ ఉపాధ్యాయులు,పంచాయతీ కార్యదర్శుల, మండలస్థాయి అధికారులతో ఆటల పోటీల విషయమై సమీక్ష సమావేశాన్ని నిర్వహించారు.
ఈ సందర్భంగా వారు మాట్లాడుతూ ఈ నెల 10 నుంచి 12 వరకు మండల స్థాయిలో ఈ పోటీలు ఉంటాయన్నారు.18 సంవత్సరాల లోపు బాలబాలికలు వాలీబాల్ పోటీలకు, అథ్లెటిక్స్ విభాగంలో సబ్ జూనియర్ విభాగం పోటీలకు 14 ఏళ్లు, జూనియర్ విభాగం పోటీలకు 14 నుంచి 20 సంవత్సరాల లోపు బాలబాలికలు, యువకులు దరఖాస్తుల చేసుకోవచ్చన్నారు.ఖోఖో, కబడ్డీ పోటీలకు వయోపరిమితి లేదని వివరించారు.ఆసక్తి గల క్రీడాకారులు తమ దరఖాస్తులను మొబైల్ నుంచి కూడా దరఖాస్తు చేసుకోవచ్చని వారు వివరించారు.
|
|