ట్రెండింగ్
కులగణన చారిత్రాత్మక నిర్ణయం: గుత్తా సుఖేందర్ రెడ్డి
Telangana Telugu | Suryaa Desk | Published : Tue, Feb 11, 2025, 02:04 PM
తెలంగాణ కులగణన చారిత్రాత్మక నిర్ణయం అని శాసనమండలి ఛైర్మన్ గుత్తా సుఖేందర్ రెడ్డి తెలిపారు. 'ఏ రాష్ట్రంలో నిర్వహించని విధంగా తెలంగాణలో కులగణన జరిగింది. 50 రోజుల్లోనే 97 శాతం ప్రజలు కులగణనలో వివరాలు నమోదు చేసుకున్నారు. ఓటరు జనాభాకి, సర్వే లెక్కలకు పొంతన కుదరలేదు. దీనికి ప్రధాన కారణం ఒక్కొక్కరూ రెండు చోట్ల ఓటు హక్కు కలిగి ఉండటం. ‘ప్రభుత్వ సర్వేలో కొంతమంది పెద్దలు పాల్గొనకపోవడం కరెక్ట్ కాదు. రేషన్ కార్డుల్లో గతంలో ఉన్నట్టు ఏపీఎల్, బీపీఎల్ కార్డులు మంజూరు చేయాలి. వీలైనంత త్వరగా రైతు భరోసా నిధులు పూర్తి స్థాయిలో విడుదల చేయాలని ప్రభుత్వాన్ని కోరుతున్నా. కులాల మధ్య విద్వేషం నింపేలా ప్రజా ప్రతినిదులు మాట్లాడడం కరెక్ట్ కాదు. తాత్కాలిక ఉద్వేగాలతో మాట్లాడితే దీర్ఘకాలంలో వారికే నష్టం’ అని గుత్తా సుఖేందర్ రెడ్డి పేర్కొన్నారు.
|
|