మందుబాబులకు గుడ్‌న్యూస్.... ఇక 'నో స్టాక్' బోర్డులు కనిపించవు

తెలంగాణ మందుబాబులకు గుడ్‌న్యూస్. ఫుల్ బాటిలంత దురదృష్టం వెంటాడుతున్నా.. ఎక్కడో లక్కీ డ్రాప్ అంతైనా అదృష్టం ఎదురుపడుతుందన్నట్టుగా.. మొన్ననే బీర్ల ధరలు భారీగా పెంచి ప్రభుత్వం షాకిస్తే.. ఎక్కడా కొరత లేకుండా ఉండేందుకు బీర్ల కంపెనీలు తయారీలో జోరు పెంచారు. వచ్చేది ఎండాకాలం కాబట్టి, గతంలో మద్యం ప్రియులు ఎదుర్కొన్న ఇంబ్బందులను దృష్టిలో పెట్టుకుని.. ఏ వైన్స్‌లో కూడా 'నో స్టాక్' బోర్డు కనిపించకుండా ఉండేలా ముందు జాగ్రత్త పడుతున్నాయి. డిమాండ్‌కు తగ్గట్టుగా బీర్ల తయారీ చేసేందుకు కంపెనీలు ప్రణాళికలు రచిస్తున్నాయి.

వేసవి ఇంకా ఎంటర్ కాకముందే ఎండలు ఇప్పుడే దంచికొడుతున్నాయి. మరోవైపు.. పెళ్లిళ్లు, శుభకార్యాల సీజన్ నడుస్తోంది. దీంతో.. ధరలు పెరిగినా సరే బీర్ల అమ్మకాలు జోరుగానే నడుస్తున్నట్టు ఎక్సైజ్ శాఖ చెప్తోంది. ఇక పూర్తిగా ఎండకాలం ఎంటరైతే మాత్రం మందుబాబులు బీర్ల కోసం వైన్సుల ముందు బారులు తీరే అవకాశాలు మెండుగా ఉన్నాయి. ఇవన్నీ పరిగణలోకి తీసుకుని డిమాండ్‌కు తగ్గట్టుగా.. బీర్ల ఉత్పత్తిని పెంచి, ఎక్కడా కొరత ఏర్పడకుండా సరఫరా చేసేందుకు కంపెనీలు ఏర్పాట్లు చేస్తున్నాయి.

తెలంగాణలో మొత్తం 13 సంస్థలు బీర్లను తయారు చేస్తుండగా.. ప్రస్తుతం 4 కంపెనీల్లో 3 షిఫ్టుల్లోనూ తయారీని వేగవంతం చేశారు. ఒక్కో కంపెనీ రోజుకు 2 లక్షల బీర్లను తయారు చేసి.. డిపోలకు సరఫరా చేసేలా ప్రణాళికలు వేసుకున్నాయి.

ప్రస్తుతం రాష్ట్రంలో ఎక్కువ శాతం బీర్లు తయారు చేసి సరఫరా చేస్తున్న కంపెనీ యునైటెడ్‌‌‌‌‌‌‌‌ బ్రూవరీస్‌‌‌‌‌‌‌‌ లిమిటెడ్‌‌‌‌(UBL‌‌‌‌‌‌‌). అయితే.. ఈ కంపెనీ సహా మొత్తం 13 కంపెనీలు రోజుకు సగటున 1.5 లక్షల నుంచి 2 లక్షల కాటన్ల బీర్లను డిపోలకు సప్లయ్ చేసే విధంగా ఏర్పాట్లు చేసుకుంటున్నాయి. ఈ మేరకు రాష్ట్ర ఎక్సైజ్ శాఖ నుంచి అవసరమైన అనుమతులు కూడా తీసుకున్నాయి. అందుకు సంబంధించిన రుసుములు కూడా చెల్లించాయి.

సాధారణ రోజుల్లో అయితే రోజుకు రెండు షిఫ్టుల్లో మాత్రమే బీర్లను తయారీ చేస్తున్న కంపెనీసులు.. ప్రస్తుతం డిమాండ్‌‌‌‌‌‌‌ పెరగటంతో.. 3 షిఫ్టుల్లో పని చేస్తూ ప్రొడక్టివిటీని పెంచుతున్నాయి. వీటిలో ముఖ్యంగా కింగ్‌‌‌‌‌‌‌‌ఫిషర్ సహా బాగా డిమాండ్లు ఉన్న వివిధ బ్రాండ్లకు చెందిన బీర్లను సరఫరా చేస్తున్నాయి. ఇలా ఆయా కంపెనీల నుంచి ప్రతి రోజు సగటున లక్షన్నర నుంచి రెండు లక్షల కాటన్ల బీర్లు 19 డిపోలకు చేరుతున్నాయి. ఇక.. గత ఎండాకాలంలో ఏర్పడినట్టుగా ఈసారి బీర్ల కొరత రాకుండా, ఏ వైన్స్‌లో కూడా నో స్టాక్ బోర్డులు కనిపించకుండా.. కంపెనీలు ముందు జాగ్రత్త చర్యలు తీసుకుంటున్నాయి. దీంతో.. ఈ ఎండాకాలం మద్యంప్రియులు వేసవి తాపాన్ని చల్లని బీర్లతో తీర్చుకునేలా ప్లాన్ చేస్తున్నారు