శాతవాహన ఎక్స్‌ప్రెస్ రూట్ మారింది

విజయవాడ నుంచి సికింద్రాబాద్ వచ్చే శాతవాహన ఎక్స్‌ప్రెస్ రైలు రూటు మారింది. ఈ రైలు ఉదయం 6.25 గంటలకు విజయవాడలో బయలుదేరి మధ్యాహ్నం 12.55 గంటలకు సికింద్రాబాద్ చేరుతుంది. కానీ.. ఈ నెల 15 నుండి ఈ రైలు సికింద్రాబాద్‌కు బదులు కాచిగూడ స్టేషన్‌కు వెళ్తుంది. అదే రోజు సాయంత్రం 4 గంటలకు సికింద్రాబాద్ నుండి బయలుదేరే శాతవాహన ఎక్స్‌ప్రెస్ రైలు కూడా కాచిగూడ నుండే బయలుదేరుతుంది.

సికింద్రాబాద్-సిల్చార్ ఎక్స్‌ప్రెస్ రైలును కూడా చర్లపల్లి స్టేషన్‌కు మారుస్తున్నారు. ఈ నెల 9వ తేదీ నుండి రాత్రి 7.30 గంటలకు సిల్చార్‌లో బయలుదేరే రైలు మరుసటి రోజు తెల్లవారుజామున 4.20 గంటలకు చర్లపల్లికి చేరుకుంటుంది. అలాగే, ఈ నెల 12వ తేదీ నుండి చర్లపల్లిలో సాయంత్రం 4.50 గంటలకు బయలుదేరే ఎక్స్‌ప్రెస్ రైలు రాత్రి 11.40 గంటలకు సిల్చార్ చేరుకుంటుంది. దక్షిణ మధ్య రైల్వే అధికారులు ఈ విషయాన్ని స్పష్టం చేశారు. కాబట్టి ప్రయాణికులు ఈ మార్పులను గుర్తుంచుకోవాలి.

‘ఈ నెల 15వ తేదీ నుంచి శాతవాహన ఎక్స్ ప్రెస్ రైలును సికింద్రాబాద్ స్టేషన్ కు కాకుండా కాచిగూడ స్టేషన్ కు మళ్లిస్తున్నారు’ అని అధికారులు తెలిపారు. అంటే, శాతవాహన ఎక్స్‌ప్రెస్ ఇకపై కాచిగూడ నుండే బయలుదేరుతుంది. అలాగే.. ‘ఈ నెల 9వ తేదీ నుంచి రాత్రి 7.30కి సిల్చార్ లో బయలుదేరే రైలును చర్లపల్లికి మరుసటి రోజు తెల్లవారు జామున 4.20కి చేరుకునేలా షెడ్యూల్ చేశారు’ అని కూడా అధికారులు చెప్పారు. సిల్చార్ రైలు చర్లపల్లికి వెళ్లే సమయం కూడా మారింది.

ఇదిలా ఉండగా.. భారతీయ రైల్వే ప్రయాణీకుల లగేజీపై పరిమితులు విధించింది. నూతన నియమ నిబంధనల ప్రకారం.. ఫస్ట్ క్లాస్ ఏసీలో.. 70 కేజీలు, ఏసీ 2-టైర్.. 50 కేజీలు, ఏసీ 3-టైర్ అండ్ స్లీపర్ క్లాస్‌లో.. 40 కేజీలు, జనరల్ క్లాస్‌లో.. 35 కేజీలుగా నిర్ణయించారు. వీటికి మించి లగేజీ ఉంటే.. అదనపు ఛార్జీలు చెల్లించాల్సి ఉంటుందని పేర్కొంది. ట్రైన్ బయలుదేరే 30 నిమిషాల ముందు స్టేషన్‌లోని లగేజీ కార్యలయంలో క్యారీ-ఆన్ లగేజీని తప్పనిసరిగా సమర్పించాల్సి ఉంటుంది. టికెట్స్ బుక్ చేసుకునే సమయంలో కూడా ప్రయాణికులు తమ లగేజీని ముందుగానే బుక్ చేసుకోవచ్చు.