ట్రెండింగ్
టీచర్లు శిక్షణను సద్వినియోగం చేసుకోవాలి.. డిఇఓ యాదయ్య
Telangana Telugu | Suryaa Desk | Published : Tue, May 13, 2025, 01:40 PM
రాష్ట్ర ప్రభుత్వం ప్రతిష్టాత్మకంగా నిర్వహిస్తున్న వేసవి శిక్షణ కార్యక్రమాలను ప్రభుత్వ ఉపాధ్యాయులు సద్వినియోగం చేసుకోవాలని జిల్లా విద్యాధికారి (డిఇఓ) యాదయ్య సూచించారు. మే 13వ తేదీ నుంచి 17వ తేదీ వరకు ఈ శిక్షణా శిబిరాలు ఉదయం 9:30 గంటల నుంచి సాయంత్రం 5 గంటల వరకు జరగనున్నట్లు ఆయన వెల్లడించారు.
ఈ కార్యక్రమంలో మొత్తం 512 మంది టీచర్లు పాల్గొంటారని డిఇఓ తెలిపారు. ఉపాధ్యాయుల నైపుణ్యాలు పెంచడం, పాఠన పద్ధతులను ఆధునిక పద్ధతుల్లో మెరుగుపరచడమే ఈ శిక్షణ లక్ష్యమని పేర్కొన్నారు. శిక్షణా కార్యక్రమాన్ని రాష్ట్రస్థాయి అధికారులు మరియు జిల్లా స్థాయి అధికారులు పర్యవేక్షిస్తారని ఆయన స్పష్టం చేశారు. ఉపాధ్యాయులు తమ బాధ్యతను గుర్తు చేసుకుని, ఈ అవకాశాన్ని సద్వినియోగం చేసుకోవాలని డిఇఓ యాదయ్య పిలుపునిచ్చారు.
|
|