ట్రెండింగ్
డ్రంక్ అండ్ డ్రైవ్ కేసులో అంతర్ రాష్ట్ర కూలీకి నాలుగు రోజుల జైలు శిక్ష
Telangana Telugu | Suryaa Desk | Published : Tue, May 13, 2025, 04:46 PM
డ్రంక్ అండ్ డ్రైవ్ కేసులో ఛత్తీస్ఘడ్కు చెందిన ఓ కూలీకి నాలుగు రోజుల జైలు శిక్ష విధించారు. సోమవారం రాత్రి జగిత్యాల జిల్లా గోవిందుపల్లి చౌరస్తాలో ట్రాఫిక్ ఎస్ఐ మల్లేష్ పర్యవేక్షణలో డ్రంక్ అండ్ డ్రైవ్ తనిఖీలు నిర్వహించారు. ఈ తనిఖీల్లో బసంత్ ఠాకూర్ అనే వ్యక్తి మద్యం సేవించి వాహనం నడుపుతుండగా పట్టుబడ్డాడు. అతను ఛత్తీస్ఘడ్ రాష్ట్రానికి చెందిన వ్యక్తిగా గుర్తించారు.
ఆ తర్వాత అతన్ని మంగళవారం నాడు స్పెషల్ జ్యుడీషియల్ మేజిస్ట్రేట్ ఆఫ్ సెకండ్ క్లాస్ జి. కరుణాకర్ గారి ముందుకు హాజరుపరచగా, న్యాయమూర్తి నాలుగు రోజుల జైలు శిక్ష విధించారు. ఈ విషయం జిల్లా ఎస్పీ అశోక్ కుమార్ మీడియాతో తెలిపారు.
|
|