ట్రెండింగ్
తెలంగాణలో గణేష్ మండపాలకు ఫ్రీ కరెంట్.. కానీ బిల్లు లేదు!
Telangana Telugu | Suryaa Desk | Published : Sun, Aug 24, 2025, 08:37 PM
తెలంగాణ రాష్ట్రవ్యాప్తంగా గణేష్ మండపాలు మరియు దుర్గామాత మండపాలకు ఉచితంగా విద్యుత్ అందించేందుకు రాష్ట్ర ప్రభుత్వం ఆమోదం తెలిపింది.భాగ్యనగర్ గణేష్ ఉత్సవ సమితి వినతి మేరకు ప్రభుత్వం ఈ నిర్ణయాన్ని తీసుకుంది.దీనికి అనుగుణంగా విద్యుత్ శాఖ ప్రత్యేక ఆదేశాలు జారీ చేసింది. ఆదేశాల ప్రకారం, 2025 ఆగస్టు 27 నుండి సెప్టెంబర్ 6 వరకు జరగనున్న గణేష్ నవరాత్రుల సందర్భంగా (11 రోజులు), అలాగే సెప్టెంబర్ 24 నుండి అక్టోబర్ 2 వరకు నిర్వహించే దుర్గామాత నవరాత్రి ఉత్సవాల (9 రోజులు) సందర్భంగా ఉచిత విద్యుత్ సదుపాయాన్ని అందించనున్నారు.ఈ మేరకు అన్ని సూపరింటెండింగ్ ఇంజినీర్లు మరియు అకౌంట్స్ అధికారులు తగిన చర్యలు తీసుకోవాలని విద్యుత్ శాఖ సర్క్యులర్ జారీ చేసింది.మండపాల నిర్వహకులు తమ రిజిస్ట్రేషన్ స్లిప్లను సంబంధిత శాఖకు సమర్పించాల్సి ఉంటుంది.
|
|