ట్టకేలకు ఆ ఏరియాలో ట్రాఫిక్ కష్టాలకు చెక్.. రేపే బ్రిడ్జి ప్రారంభం

దాదాపు సుదీర్ఘ కాలం పాటు కొనసాగిన నిరీక్షణకు తెరపడింది. ఫలక్‌నుమా ప్రాంతంలో నిర్మించిన సమాంతర రోడ్డు ఓవర్‌బ్రిడ్జి (RoB) పనులు పూర్తయ్యాయి. అధికారులు ప్రకటించిన వివరాల ప్రకారం.. ఈ నూతన వంతెన శుక్రవారం (అక్టోబరు 3) నాడు ప్రారంభమయ్యే అవకాశం ఉంది. ఈ వంతెన అందుబాటులోకి వస్తే.. ఆ ప్రాంతంలో ట్రాఫిక్ కష్టాలు తీరనున్నాయి.

ఫలక్‌నుమా ఫ్లైఓవర్..

360 మీటర్ల పొడవైన ఈ ఫ్లైఓవర్ నిర్మాణం 2021లో మొదలైంది. ఈ బ్రిడ్జి యొక్క ముఖ్య ఉద్దేశం చాంద్రాయణగుట్ట నుంచి చార్మినార్ వైపు వెళ్లే మార్గంలో ఏర్పడే ట్రాఫిక్ రద్దీని గణనీయంగా తగ్గించడం. ఇంతకు ముందు ఇక్కడ కేవలం ఒకే వంతెన ఉండడం వల్ల వాహనాల రాకపోకలకు తరచుగా అంతరాయం కలిగేది.

ఈ సమాంతర వంతెన నిర్మాణం కోసం.. పాత బ్రిడ్జికి దక్షిణ భాగంలో ఉన్న కొన్ని నిర్మాణాలను ఇటీవల కూల్చివేయడం జరిగింది. దీనితో పాటు, వాహనాల కదలిక సులభతరం చేయడానికి కొత్త రహదారిని కూడా నిర్మించారు. ఈ మార్పులన్నీ దక్షిణ హైదరాబాద్‌లో ప్రయాణ సౌలభ్యాన్ని పెంచడానికి దోహదపడతాయి.

నిర్మాణ భాగస్వామ్యం..

ఈ ప్రాజెక్టును గ్రేటర్ హైదరాబాద్ మున్సిపల్ కార్పొరేషన్ (GHMC) , దక్షిణ మధ్య రైల్వే (SCR) సంయుక్తంగా చేపట్టాయి. ఈ సహకార నిర్మాణం కోసం సుమారు రూ. 47.1 కోట్లు ఖర్చు చేశారు. ఈ ప్రాజెక్ట్ పూర్తవడంతో.. కేవలం స్థానిక నివాసితులకే కాకుండా, ఈ మార్గంలో ప్రయాణించే పౌరులందరికీ సమయ భావం తగ్గి.. సుఖవంతమైన ప్రయాణం అందుబాటులోకి వస్తుంది.

ఫలక్‌నుమా ప్రాంతం చారిత్రక నగరంలోని కీలకమైన రవాణా కేంద్రం. ఈ వంతెన ప్రారంభం తర్వాత.. పాత ఫలక్‌నుమా బ్రిడ్జిపై ఒత్తిడి తగ్గి, ఆ ప్రాంతంలోని ఇతర రహదారులపై ట్రాఫిక్ నిర్వహణ మెరుగుపడుతుంది. దీంతోపాటు.. చారిత్రక కట్టడమైన చార్మినార్ వైపు వెళ్లే సందర్శకులకు కూడా ట్రాఫిక్ అంతరాయం లేకుండా గమ్యాన్ని చేరుకోవడం సులభతరం అవుతుంది. ఇక దీంతో పాటు.. హైదరాబాద్ లో పలు ఏరియాల్లో విపరీతమైన ట్రాఫిక్ అవుతూ ఉంటుంది. ఆ ఏరియాల్లో కూడా బ్రిడ్జిలు నిర్మిస్తే.. హైదరాబాద్ ట్రాఫిక్ సిటీగా మారనుంది.