ట్రెండింగ్
ముత్తంగి అలంకారంలో రామయ్య దర్శనం
Bhakthi | Suryaa Desk | Published : Mon, Sep 05, 2022, 02:30 PM
భద్రాచలం శ్రీసీతారామచంద్ర స్వామి వారి దేవస్థానం వారు సోమవారం రాముడికి ప్రత్యేక పూజలు నిర్వహించారు. సోమవారం ముత్తంగి అలంకారంలో స్వామి భక్తులకు దర్శనమిచ్చారు. ఆలయ తలుపులు తెరిచి స్వామివారికి సుప్రభాతసేవ నిర్వహించారు. ఆ తర్వాత యథావిధిగా పూజలు, సేవాకాలం, నిత్య బలిహరణ తదితర నిత్య పూజా కార్యక్రమాలు నిర్వహించారు. ముందుగా ఈ కార్యక్రమంలో విష్వక్సేన ఆరాధన, కర్మన్హపుణ్యాహవచనం, స్వామివారికి కంకణధారణ, యజ్ఞోపవీత ధారణ, అమ్మవారికి కంకణధారణ యోక్త్రధారణ తదితర కార్యక్రమాలు జరిగాయి.ఈ కార్యక్రమంలో ఆలయ అధికారులు, సిబ్బంది తదితరులు పాల్గొన్నారు.
|
|