ట్రెండింగ్
రామయ్యకు సువర్ణ పుష్పార్చన
Bhakthi | Suryaa Desk | Published : Fri, Jun 02, 2023, 02:42 PM
భద్రాచలం శ్రీసీతారామచంద్రస్వామి వారికి శుక్రవారం సువర్ణ పుష్పార్చన వైభవంగా నిర్వహించారు. మూలమూర్తులకు అభిషేకం చేశారు. తెల్లవారుజామున గర్భగుడిలో స్వామి వారికి సుప్రభాత సేవ, సేవాకాలం, ఆరాధన తదితర పూజలు చేశారు. అనంతరం నిత్యకల్యాణానికి బేడా మండపంలో కొలువుదీరిన స్వామి వారికి విశ్వక్సేన పూజ, పుణ్యావాచనం చేశారు. స్వామి వారికి కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి నిత్యకల్యాణ ఘట్టాన్ని ఆలయ అర్చకులు శాస్త్రోక్తంగా జరిపారు. ఈ కల్యాణ వేడుకలో పాల్గొన్న భక్తులు స్వామి వారిని దర్శించుకుని ప్రసాదాలను స్వీకరించారు. సెలవు రోజు కావడంతో భక్తులు పెద్దఎత్తున స్వామి వారి సేవల్లో పాల్గొన్నారు
|
|