సన్‌రైజర్స్ హైదరాబాద్ జట్టు కెప్టెన్ పాట్ కమిన్స్ కెప్టెన్‌కు ఆడపిల్ల
sports | Suryaa Desk | Published : Sat, Feb 08, 2025, 10:11 PM
సన్‌రైజర్స్ హైదరాబాద్ జట్టు కెప్టెన్ పాట్ కమిన్స్ రెండోసారి తండ్రయ్యాడు. తాము ఆడబిడ్డకు జన్మనిచ్చామంటూ పాట్ కమిన్స్, అతని భార్య బెకీ ఇన్‌స్టాగ్రామ్‌లో పోస్ట్ చేశారు. వీరికి మొదటి సంతానంగా ఆల్బీ అనే బాబు 2021లో జన్మించాడు. "ఆమె ఇదిగో.. మా అందమైన పాపాయి ఈడీ. ఇప్పుడు మేమెంత సంతోషంగా ఉన్నామో, ఆనందంలో మునిగిపోయామో మాటల్లో చెప్పలేం." అంటూ పాట్ కమిన్స్, బెకీ కమిన్స్ ఇన్‌స్టాగ్రామ్‌లో పోస్ట్ చేశారు.
పాట్ కమిన్స్ కూతురు పూర్తి పేరు ఈడత్ మారియా బోస్టన్ కమిన్స్. పాప పుట్టగానే బెకీ కమిన్స్ చిన్నారి ఫొటోను సోషల్ మీడియాలో షేర్ చేసింది. శనివారం రోజున చిన్నారి ఈడీని తీసుకుని పాట్ కమిన్స్, బెకీ ఇద్దరూ అలా సరదాగా బీచ్‌కి వచ్చారు. తన భార్య డెలివరీ ఉందనే పాట్ కమిన్స్ శ్రీలంక టూర్‌కి కూడా దూరంగా ఉన్నాడు.
ఆస్ట్రేలియా కెప్టెన్‌గా బాధ్యతలు నిర్వహిస్తున్న పాట్ కమిన్స్ ప్రస్తుతం గాయం కారణంగా కీలకమైన టోర్నీలకు దూరమయ్యాడు. తొలుత శ్రీలంక టూర్ నుంచి గ్యాప్ తీసుకున్న కమిన్స్ ఛాంపియన్స్ ట్రోఫీకి సిద్ధమయ్యే సమయంలో స్కాన్స్ తీయడంతో గాయం ఉన్నట్లు గుర్తించారు. దాంతో ప్రతిష్టాత్మక ఛాంపియన్స్ ట్రోఫీకి దూరమవ్వాల్సి వచ్చింది. ఛాంపియన్స్ ట్రోఫీతో పాటు రానున్న ఐపీఎల్‌లో కూడా ఆడేది కష్టమేనంటూ ఆసీస్ క్రికెట్ బోర్డు చెబుతోంది. ఛాంపియన్స్ ట్రోఫీ తర్వాత సౌతాఫ్రికాతో జరిగే వరల్డ్ టెస్ట్ ఛాంపియన్ షిప్‌ ఫైనల్స్‌కు అందుబాటులోకి వస్తే బాగుంటుందని ఆసీస్ బోర్డు కోరుకుంటుంది.
|
|