ప్రియురాలి ఇంట్లో అరెస్ట్ చేసిన పోలీసులు,,,,జైలు నుంచి పారిపోయిన రిమాండ్ ఖైదీ

ఓ రిమాండ్ ఖైదీ జైలు నుంచి తప్పించుకున్నాడు.. ఎవరికి దొరక్కుండా సేఫ్‌గా ఉండొచ్చని ఓ చోటికి వెళ్లాడు. కానీ డ్యామిట్ కథ అడ్డం తిరిగింది.. పోలీసులకు దొరికిపోయి మళ్లీ అదే జైలుకు వెళ్లాల్సి వచ్చింది. తిరుపతి జిల్లాలో జరిగిన ఈ ఘటన చర్చనీయాంశమైంది. గత నెల 20వ తేదీన తిరుపతి జిల్లా నాగలాపురానికి చెందిన శ్రీనివాసన్ ఓ దొంగతనం కేసులో అరెస్ట్ కాగా.. కోర్టు అతడికి రిమాండ్ విధించడంతో సత్యవేడు సబ్ జైలుకు తరలించారు. ఏం జరిగిందో ఏమో ఆదివారం ఉదయం శ్రీనివాసన్ జైలు గోడ దూకి తప్పించుకున్నాడు.

జైలు నుంచి పారిపోయిన శ్రీనివాసన్.. నేరుగా నాగలాపురంలో ఉన్న తన ప్రియురాలి ఇంటికి వెళ్లాడు. తాను ప్రియురాలి ఇంట్లో ఉంటే సేఫ్‌గా ఉంటానని.. ఎవరూ కనుక్కోలేరని భావించాడు. ఇంతలో శ్రీనివాసన్ జైలు నుంచి తప్పించుకుని వెళ్లినట్లు పోలీసులకు తెలియడంతో వెంటనే రంగలోకి దిగారు. శ్రీనివాసన్ కోసం గాలింపు మొదలెట్టారు.. ఎందుకో అనుమానం వచ్చి ప్రియురాలి ఇంట్లో తనిఖీ చేయగా.. శ్రీనివాసన్ అక్కడే ఉన్నాడు. వెంటనే అతడ్ని అరెస్ట్ చేసి మళ్లీ సబ్ జైలుకు తరలించారు. ప్రియురాలి ఇల్లు సేఫ్ అనుకుంటేశ్రీనివాసన్ అడ్డంగా దొరికిపోయాడు. జైలు నుంచి పారిపోయిన శ్రీనివాసన్‌ పారిపోయిన 24 గంటల్లోపే అదుపులోకి తీసుకున్నారు. పాపం జైలు నుంచి వచ్చాను ప్రియురాలి ఇంట్లో ఉంటే ఎవరూ కనిపెట్టలేరు అనుకుంటే సీన్ రివర్స్ అయ్యింది.

మరోవైపు తిరుపతి జిల్లా పోలీసులు డ్రోన్ల సాయంతో నేరాలను అరికడుతున్నారు. గత నెలలో డ్రోన్ల ద్వారా 116 ఆపరేషన్లు చేసి 18 కిలోల గంజాయి స్వాధీనం చేసుకున్నారు. అలాగే శాంతిభద్రతల విషయంలో అప్రమత్తంగా ఉంటున్నారు. బహిరంగ ప్రదేశాల్లో మద్యం తాగేవారిపై కేసులు నమోదు చేశారు. అనుమానిత వ్యక్తులకు, రౌడీషీటర్లకు కౌన్సెలింగ్‌ ఇచ్చారు. డ్రంక్ అండ్ డ్రైవ్‌లు నిర్వహించారు.. పత్రాలు లేని 62 వాహనాలు సీజ్‌ చేసి.. అనధికారంగా ప్రెస్, పోలీసు స్టిక్కర్లతో తిరుగుతున్న వాహనాలను గుర్తించి వాటిని తొలగించారు. ట్రాఫిక్ నిబంధనలు పాటించనివారిపై చర్యలు తీసుకున్నారు తిరుపతి జిల్లా పోలీసులు.