అర్జున్ టెండూల్కర్‌కు నిశ్చితార్థం జరిగిందా?

మాస్టర్ బ్లాస్టర్ సచిన్ టెండూల్కర్ తనయుడు అర్జున్ టెండూల్కర్‌కు నిశ్చితార్థం జరిగిందా? ముంబైలోని ప్రముఖ పారిశ్రామిక వేత్త మనవరాలు సానియా చందోక్‌తో అర్జున్ ఏడు అడుగులు వేయనున్నాడా? అంటే అవుననే చెప్పాడు అర్జున్ తండ్రి, క్రికెట్ దిగ్గజం సచిన్ టెండూల్కర్. అర్జున్ టెండూల్కర్‌కు నిశ్చితార్థం జరిగిన మాట వాస్తవమే అని వెల్లడించాడు. సోషల్ మీడియాలో అభిమానులతో ముచ్చటించిన సచిన్.. ఈ విషయాన్ని ధృవీకరించాడు.

నిజానికి అర్జున్ టెండూల్కర్‌, సానియా చందోక్‌ ల నిశ్చితార్థం జరిగినట్లు పది రోజుల క్రితం నుంచే వార్తలు వస్తున్నాయి. అయితే వీటిపై అటు సచిన్‌ ఫ్యామిలీగానీ.. ఇటు సానియా చందోక్‌ కుటుంబం గానీ స్పందించలేదు. దీంతో అసలు ఎంగేజ్‌మెంట్ జరిగిందనేది నిజమా కాదా? అనే ప్రశ్నలు తలెత్తాయి. కానీ తాజాగా సచిన్ ప్రముఖ సోషల్ మీడియా వేదిక రెడ్డిలో అభిమానులతో ముచ్చటించాడు. ‘ఆస్క్ మీ ఎనీథింగ్’ సెషన్‌లో.. “అర్జున్ టెండూల్కర్ నిశ్చితార్థం నిజంగా జరిగిందా?” అని ఓ అభిమాని ప్రశ్నించాడు. దీనికి సచిన్.. “అవును నిశ్చితార్థం జరిగింది. అతడి జీవితంలో కొత్త అధ్యాయం కోసం మేమంతా ఎదురుచూస్తున్నాం” అని రిప్లే ఇచ్చాడు.

దీంతో అర్జున్ టెండూల్కర్ నిశ్చితార్థాన్ని సచిన్ ధృవీకరించినట్లయింది. 25 ఏళ్ల అర్జున్ టెండూల్కర్, 26 ఏళ్ల సానియాల నిశ్చితార్థం ఆగస్టు 13న పరిమిత సంఖ్యలో బంధువులు, స్నేహితుల సమక్షంలో జరిగినట్లు సమాచారం. నిశ్చితార్థం జరిగినట్లు సచిన్ ప్రకటించినా.. పెళ్లి ఎప్పుడు జరుగుతుందనే విషయంపై మాత్రం క్లారిటీ ఇవ్వలేదు.

అర్జున్ పెళ్లి చేసుకోబోయే సానియా చందోక్‌ ముంబైకి చెందిన ప్రముఖ వ్యాపార వేత్త రవి ఘాయ్ మనవరాలు. రవి ఘాయ్ కుటుంబానికి ఆతిథ్య, ఆహార రంగాల్లో వ్యాపారాలు ఉన్నాయి. ఇంటర్ కాంటినెంటల్‌ హోటల్, ప్రముఖ ఐస్‌క్రీమ్ బ్రాండ్ బ్రూక్లిన్ క్రీమరీతో పాటు ఇతర వ్యాపారాలు కూడా ఉన్నాయి. మరోవైపు రవి ఘాయ్ మనవరాలు సానియా మాత్రం లోప్రొఫైల్ మెయింటేన్ చేస్తున్నారు. ఆమె మిస్టర్ పాస్ పెట్ స్పా & స్టోర్‌లో పార్ట్‌నర్‌గా, డైరెక్టర్‌గా ఉన్నారు. అర్జున్ టెండూల్క‌ర్ ప్రస్తుతం దేశవాళీ క్రికెట్లో గోవాకు ప్రాతినిధ్యం వహిస్తున్నాడు. ఐపీఎల్‌ 2025లో ముంబై ఇండియన్స్ తరఫున ఆడాడు. ఐపీఎల్‌లో ముంబై తరఫున 5 మ్యాచులలో 3 వికెట్లు తీశాడు.