కొల్లు రవీంద్ర‌కు పేర్ని నాని ఓపెన్ ఛాలెంజ్

దేవుడి ఆస్తి కొట్టేశానని త‌న గురించి అసహ్యంగా మాట్లాడుతున్నార‌ని, ఈ విష‌యంలో కూట‌మి నేత‌ల‌కు దమ్ముంటే విచార‌ణ చేయించాల‌ని వైయ‌స్ఆర్‌సీపీ కృష్ణా జిల్లా అధ్య‌క్షుడు, మాజీ మంత్రి పేర్ని నాని స‌వాల్ విసిరారు. దేవుడి ఆస్తిపై సిట్టింగ్ జడ్జితోనైనా ...సిఐడితోనైనా ఎంక్వైరీ వేయించండి, యాక్షన్ రద్దు చేసి...భూములు వెనక్కి తీసుకోండి....త‌న‌ను లోపల వేయించండి అంటూ మంత్రి కొల్లు రవీంద్ర‌కు పేర్ని నాని ఓపెన్ ఛాలెంజ్ చేశారు. దేవీ శరన్నవరాత్రుల సమయంలో వియ‌జ‌వాడ నగరంలో ఆధ్మాతిక శోభ వెల్లివిరుస్తుంది.. అలాంటి సమయంలో ఈ వేడుకలకు పోటీగా విజయవాడ ఉత్సవ్‌ నిర్వహించడం అంటే దసరా ప్రాధాన్యతను తగ్గించడం కాదా అని ప్రశ్నించారు. మంగ‌ళ‌వారం పేర్ని నాని మీడియాతో మాట్లాడారు. అయన మాట్లాడుతూ... `దేవుడి ఆస్తి కొట్టేశానని నా గురించి అసహ్యంగా మాట్లాడుతున్నారు. నేను కొట్టేశానంటున్న దేవుడి ఆస్తి పై దమ్ముంటే విచారణ చేయించండి. సిట్టింగ్ జడ్జితోనైనా ...సిఐడితోనైనా ఎంక్వైరీ వేయించండి. యాక్షన్ రద్దు చేసి...భూములు వెనక్కి తీసుకోండి....నన్ను లోపల వేయించండి. మీకు ఇంకా మూడేళ్లు టైమ్ ఉంది. మీకు చేతనైన ఎంక్వైరీ వేయండి. నేను అవినీతి పరుడినైతే ఇంతవరకూ నన్ను ఎందుకు లోపలేయలేకపోయావ్ కొల్లు రవీంద్ర. నాకు ఐదువేల కోట్లు ఆస్తులున్నాయని ప్రచారం చేశారు. నాకే మైన్ ఉన్నట్లైతే ...నా దగ్గర ఎంత లంచం తీసుకుంటున్నావ్ కొల్లు రవీంద్ర. మైనింగ్ మినిస్టర్ వి కదా... ఎంత తీసుకొని నన్ను మైనింగ్ చేయిస్తున్నావ్. నాకు మైన్స్ ఉంటే నా మైనింగ్ జోలికి ఎందుకు రావడం లేదు`అని సూటిగా ప్రశ్నించారు.