విజయవాడ దుర్గ గుడికి వెళ్లే భక్తులకు సూపర్ న్యూస్

విజయవాడ ఇంద్రకీలాద్రిపై దుర్గమ్మ దసరా ఉత్సవాల కోసం వచ్చే భక్తులకు ప్రత్యేకంగా యాప్, చాట్‌బాట్‌ను ప్రారంభించారు. దేవాదాయ శాఖ కమిషనర్ రామచంద్రమోహన్ చేతుల మీదుగా లాంఛ్ చేశారు. ఈ కార్యక్రమంలో ఈవో శీనానాయక్, అమరావతి సాఫ్ట్‌వేర్ ఇన్నోవేషన్స్ ప్రైవేట్ లిమిటెడ్ ఛైర్మన్ అనిల్‌కుమార్ పాల్గొన్నారు. ఈ నెల 22 నుంచి అక్టోబరు 2 వరకు జరిగే దసరా ఉత్సవాలకు భక్తులకు సహాయపడేలా యాప్‌ను తీసుకొచ్చారు. "దసరా-2025" పేరుతో ఈ యాప్ ప్లేస్టోర్, యాప్ స్టోర్లలో అందుబాటులో ఉంది. ఉత్సవాలకు సంబంధించిన సమాచారం అంతా యాప్‌లో ఉంటుంది. 94418 20717 నంబరుతో చాట్‌బాట్ సేవలను పొందవచ్చు.. పూర్తి వివరాలు తెలుసుకోవచ్చు.

విజయవాడలోని ఇంద్రకీలాద్రిపై జరగనున్న దసరా వేడుకల కోసం ఈసారి సాంకేతికతతో మరింత ఆధునికంగా జరగనున్నాయి. భక్తుల కోసం ఏఐ కెమెరాలు, డ్రోన్‌లతో నిఘా ఏర్పాటు చేశారు. పిల్లల కోసం ఆర్‌ఎఫ్‌ఐడీ బ్యాండ్‌లు అందుబాటులో ఉంచారు. అంతేకాదు, ఉత్సవ సమాచారం కోసం మొబైల్ యాప్, చాట్‌బాట్‌ను కూడా ప్రారంభించారు. " దసరా 2025" పేరుతో యాప్ ప్లేస్టోర్, యాప్ స్టోర్‌లో అందుబాటులో ఉంది. ఈ యాప్ భక్తులకు అన్ని రకాల సేవలను అందిస్తుంది. సేవలు ఎక్కడ అందుబాటులో ఉన్నాయి, అక్కడికి ఎలా వెళ్లాలి అనే వివరాలు కూడా ఇందులో ఉంటాయి.

అలాగే వాట్సాప్ ద్వారా కూడా సేవలు పొందవచ్చు. 94418 20717 నంబర్‌కు వాట్సాప్ మెసేజ్ చేస్తే చాలు. ఆర్టిఫిషియల్ ఇంటెలిజెన్స్ (AI) ఆధారిత చాట్‌బాట్ ద్వారా సమాచారం తెలుసుకోవచ్చు. దర్శనం, విరాళాలు వంటి వివరాలు ఇక సులువుగా పొందవచ్చు. వాట్సాప్‌లో "అమ్మ" లేదా "హాయ్" అని మెసేజ్ చేయాలి. 'మెసేజ్ చేయగానే మీకు ఒక ప్రశ్న వస్తుంది. మీకు తెలుగులో కావాలా? ఇంగ్లీషులో కావాలా? అని అడుగుతుంది. మీకు కావలసిన భాషను ఎంచుకోండి. తర్వాత మెయిన్ మెనూ కనిపిస్తుంది. మెయిన్ మెనూలో దర్శనం, విరాళాలు, గ్రీవెన్స్ (ఫిర్యాదులు), సదుపాయాలు, సేవలు, పండగలు వంటి ఆప్షన్లు ఉంటాయి. మీకు ఏ సమాచారం కావాలో దానిపై క్లిక్ చేయండి. ఆ వివరాలు మెసేజ్ రూపంలో వస్తాయి. యాప్‌లో ఉన్న అన్ని సేవలు ఈ చాట్‌బాట్‌లో కూడా ఉన్నాయి' అని అధికారులు తెలిపారు.

భక్తుల సౌకర్యం కోసం ఈ కొత్త యాప్ అందుబాటులోకి వచ్చింది. దర్శన సమయాలు, టిక్కెట్ల కొనుగోలు, VIP దర్శనాలు, పూజల వివరాలు ఇందులో ఉంటాయి. ప్రసాదాల కౌంటర్లు, అన్నప్రసాదం హాళ్ల సమాచారం, అమ్మవారి అలంకరణ ఫొటోలు కూడా ఉంది. దేవస్థానం బస్సుల లైవ్ ట్రాకింగ్, పార్కింగ్ సమాచారం, మ్యాప్ నావిగేషన్ కూడా ఉన్నాయి. అత్యవసర వైద్య సేవలు, పోలీసు, అగ్నిమాపక వివరాలు కూడా ఇందులో పొందుపరిచారు. ఈ యాప్ ద్వారా భక్తులు "రియల్‌ టైమ్‌ క్యూలైన్‌ అప్‌డేట్స్‌" తెలుసుకోవచ్చు. చిన్న పిల్లల భద్రత కోసం ఆర్‌ఎఫ్‌ఐడీ చేతిబాండ్‌ల సమాచారం కూడా ఉంది. ఫిర్యాదులు, ఫీడ్‌బ్యాక్, సూచనలు చేయడానికి అవకాశం ఉంది. "రియల్‌టైమ్‌ అలర్ట్స్", ముఖ్యమైన ప్రకటనలు కూడా వస్తాయి. ఈ యాప్ భక్తులకు చాలా ఉపయోగకరంగా ఉంటుంది.