పెళ్లైన నెలకే పారిపోయిన వధువు.. కర్నూలు జిల్లాలో ఘటన

నెల క్రితం ఘనంగా వివాహం చేసుకున్నాడో యువకుడు. అది కూడా ఎదురు కట్నం ఇచ్చి మరీ.. ఆ ఆనందం నెల కూడా లేకుండా పోయింది. ఆ యువతి వివాహమైన నెలకే భర్తను వదిలేసి పారిపోయింది. కర్నూలు జిల్లాలో జరిగిన ఘటన కలకలం రేపింది. హొళగుంద మండల పరిధిల ముద్దటమాగికి చెందిన యువకుడు పెళ్లి చేసుకుందామని సంబంధాల కోసం వెతికాడు. ఈ క్రమంలో ఓ పెళ్లిళ్ల ఏజెంట్ల కోసం ప్రయత్నించాడు. ఈ క్రమంలో తూర్పుగోదావరి జిల్లా రాజమండ్రికి చెందిన ఇద్దరు దంపతులు మ్యారేజ్‌ బ్యూరో నిర్వహిస్తున్నారు.. వారు సోషల్ మీడియా ద్వారా ఆ యువకుడ్ని సంప్రదించారు.

'మీ సామాజికవర్గం వధువు ఉంది, ఎదురు కట్నం, పెళ్లి కోసం రూ.4 లక్షలు ఖర్చు అవుతుంది' అని తెలిపారు. ఆ యువకుడు ఆ ఒప్పందానికి ఓకే చెప్పాడు. ఈ క్రమంలో ఆ యువకుడు తమ కుటుంబ సభ్యులకు విషయం చెప్పి నెల క్రితం ఘనంగా పెళ్లి వేడుక కూడా ఘనంగా నిర్వహించారు. అయితే వివాహం తర్వాత ముద్దటమాగి గ్రామానికి దంపతులు చేరుకున్నారు. అయితే ఆ యువతి 20 రోజుల పాటూ యవకుడితో కాపురం చేసింది. ఆ తర్వాత ఒక రోజు తాను ఊరికి వెళ్లానని భర్తతో చెప్పింది.

భర్త భార్య ఊరెళ్లేందుకు ఓకే చెప్పాడు.. అయితే అలా ఊరెళ్లిన యువతి ఎంతకీ తిరిగి రాకపోవడంతో నెలన్నర కిందట బాధితుడు, కుటుంబ సభ్యులు హొళగుంద పోలీసులకు ఫిర్యాదు చేశారు. అయితే స్థానిక పోలీసులు ఎట్టకేలకు టెక్నాలజీ సాయంతో ఆయువతితో పాటుగా ఇద్దరు మ్యారేజ్‌ ఏజెంట్లను గుర్తించారు.. ఆ ముగ్గుర్ని అదుపులోకి తీసుకుని ప్రశ్నిస్తున్నారు. వీరు గతంలో ఇదే తరహాలో ఎవరినైనా మోసం చేశారా అనే కోనంలో కూడా ఆరా తీస్తున్నారు. పాపం పెళ్లైందైన ఆనందం నెల కూడా లేకుండా ఆ యువతి అతడ్ని మోసం చేసింది. పాపం ఆ యువకుడి పరిస్థితి ఏంటనే చర్చ జరుగుతోంది. కాబట్టి పెళ్లి కాని యువకులు ఏదైనా సంబంధం మాట్లాడుకుంటే ఒకటికి రెండుసార్లు క్రాస్ చేసుకుంటే మంచిది అంటున్నారు.