జగన్మోహన్రెడ్డి వల్ల పెళ్లి ఆగిపోయింది: విష్ణుకుమార్
Andhra Pradesh Telugu | Suryaa Desk | Published : Mon, Sep 22, 2025, 04:58 PM
పెళ్లి సంబంధం కుదిరింది.. కట్నకానుకల కింద ఇల్లు ఇస్తామని అమ్మాయి తరఫు వాళ్లు చెప్పారు.. తీరా అక్కడికి వెళ్లి చూస్తే ఇల్లు లేదు.. పెళ్లి ఆగిపోయింది.. జగన్మోహన్ రెడ్డి చేసిన పని వల్ల ఒక అమ్మాయి జీవితం నాశనం అయ్యింది.. అసెంబ్లీలో బీజేపీ ఎమ్మెల్యే విష్ణుకుమార్ రాజు. ప్రజావేదికను కూల్చిన వ్యక్తి ఇళ్లను కూడా కూల్చేస్తారని ఎవరూ ఊహించలేదని బీజేపీ ఎమ్మెల్యే విష్ణుకుమార్ రాజు అన్నారు. శాసనసభ సమావేశాల్లో కీలక వ్యాఖ్యలు చేశారు. అందరికీ ఇళ్లు వంటి మంచి కార్యక్రమాన్ని గత ప్రభుత్వం నిర్వీర్యం చేసిందని విమర్శించారు. బలహీన వర్గాలంటే జగన్కు ఎందుకంత కక్షనో అర్థం కావట్లేదన్నారు. ఇసుక పాలసీని తీసుకొచ్చి నిర్మాణ రంగాన్ని నిర్వీర్యం చేశారని దుయ్యబట్టారు. భవన నిర్మాణ కార్మికులు రోడ్డున పడే పరిస్థితికి తీసుకొచ్చారన్నారు. కాంట్రాక్టర్లను కూడా వేధించి ఇబ్బందికి గురి చేసిన ఘనుడు జగన్ అని ఎద్దేవా చేశారు. విధ్వంసానికి మరోపేరు ఆయనే అని మండిపడ్డారు.
|
|