మరోసారి తమ స్నేహబంధాన్ని నిరూపించిన సానియా మీర్జా, ఫరా ఖాన్
national | Suryaa Desk | Published : Tue, Sep 23, 2025, 09:30 PM
భారత టెన్నిస్ స్టార్ సానియా మీర్జా, ప్రముఖ బాలీవుడ్ కొరియోగ్రాఫర్-డైరెక్టర్ ఫరా ఖాన్ మధ్య ఉన్న స్నేహబంధం గురించి ప్రత్యేకంగా చెప్పాల్సిన అవసరం లేదు. తరచూ ఒకరిపై ఒకరు సోషల్ మీడియాలో సరదాగా పోస్టులు పెట్టుకుంటూ అభిమానులను అలరిస్తుంటారు. తాజాగా, సానియా తన స్నేహితురాలు ఫరా ఖాన్కు సంబంధించిన ఓ ఫన్నీ వీడియోను పంచుకోగా అది ఇప్పుడు ఇంటర్నెట్లో తెగ చక్కర్లు కొడుతోంది.వివరాల్లోకి వెళితే, ఇటీవల సానియా, ఫరా తమ స్నేహితులతో కలిసి పికిల్బాల్ ఆడేందుకు వెళ్లారు. అయితే, ఆట మధ్యలో ఫరా ఖాన్, ఆమె టీమ్ సభ్యులు ఒక్కసారిగా నేహా భాసిన్ పాడిన ట్రెండింగ్ సాంగ్ 'తుమక్ తుమక్'కు డ్యాన్స్ చేయడం మొదలుపెట్టారు. ఈ సరదా సన్నివేశాన్ని వీడియో తీసిన సానియా మీర్జా, "వీళ్లను పికిల్బాల్ ఆడమంటే చేసే పని ఇది!" అనే చమత్కారమైన క్యాప్షన్తో ఇన్స్టాగ్రామ్లో పోస్ట్ చేశారు. దీంతో ఈ వీడియో క్షణాల్లో వైరల్ అయింది. వారిద్దరి స్నేహాన్ని, సరదా తత్వాన్ని చూసి అభిమానులు కామెంట్ల రూపంలో ప్రశంసలు కురిపిస్తున్నారు.సానియా, ఫరా మధ్య దశాబ్దాలుగా బలమైన స్నేహానుబంధం కొనసాగుతోంది. గతంలో వీరిద్దరూ కలిసి కపిల్ శర్మ షోలో సందడి చేశారు. అంతేకాకుండా, కొద్ది నెలల క్రితం ఫరా ఖాన్ తన యూట్యూబ్ వ్లాగ్ కోసం సానియా మీర్జా ఇంటికి వెళ్లారు. ఆ ఎపిసోడ్లో సానియా స్వయంగా ఫరా కోసం రుచికరమైన భోజనం వండి వడ్డించారు. ఈ వ్లాగ్లో సానియా కొడుకు ఇజాన్ కూడా కనిపించి సందడి చేశాడు. వీరిద్దరి స్నేహాన్ని చూసి అభిమానులు ఎప్పుడూ మురిసిపోతుంటారు.
|
|