28.09.2025 నుండీ 04.10.2025 వరకు ద్వాదశరాశి ఫలములు (వార ఫలాలు

మేషరాశి.... (అశ్విని 1 2 3 4,భరణి 1 2 3 4,కృతిక 1వ పాదం) (నామ నక్షత్రములు: చూ, చే ,చొ, లా,లీ, లూ, లే, లో,ఆ) మేష రాశి: వారం ప్రారంభం చతుర్ధాధిపతి అయిన చంద్రుడు అష్టమ స్థానము, లగ్న అష్టమాధిపతి అయిన కుజుడు సప్తమ స్థాన సంచారం, తల్లి కుటుంబంలోని స్త్రీలతో విభేదాలకు దూరంగా ఉండాలి. గృహ వాహన సౌఖ్యాలు, స్థిరాసుల సంబంధ అంశాలు ఆశాజనకంగా ఉండవు. సాంఘిక సంబంధాలు, నూతన మైత్రి బంధాలు ఘర్షణాత్మకంగా ఉంటాయి. భాగస్వామి ఆరోగ్య విషయంలో ప్రత్యేక శ్రద్ధ తీసుకుంటారు. వాహనాలు నడిపేటప్పుడు, ధనాన్ని ఖర్చు చేసేటప్పుడు జాగ్రత్తగా ముందుకెళ్లాలి. వారం మధ్యలో తండ్రి గారికి ఆధ్యాత్మిక ప్రదేశాలు , ఉన్నత విద్య సంబంధ దూర ప్రయాణాలు మొదలైనవి అవకాశాలు. వారాంతంలో వృత్తి సంబంధ ఒత్తిడి. బాధ్యతలు అధికంగా ఉన్నప్పటికీ విదేశములలో ఉండే వ్యక్తులతో, వారి సహకారంతో నూతన వృత్తుల కొరకు చేసే ప్రయత్నాలు అనుకూలంగా ఉంటాయి. సుబ్రహ్మణ్యేశ్వర స్వామి ఆరాధన మంచిది.

వృషభరాశి...(కృతిక 2,3,4,రోహిణి 1 2 3 4,మృగశిర 1 2 పాదాలు) (నామ నక్షత్రములు:ఈ, ఊ, ఎ, ఓ, వా, వీ, వూ, వె, వో)  

వారం ప్రారంభం తృతీయాధిపతి అయిన చంద్రుడు సప్తమములో నీచస్థానము, సప్తమ వ్యయాధిపతి అయిన కుజుడు షష్ఠస్థాన సంచారము, సోదర, స్నేహ వర్గంతో అభిప్రాయ బేదములకు దూరంగా ఉండాలి. భాగస్వామితో కమ్యూనికేషన్ విషయంలో, వారి ఆరోగ్య విషయంలో తగిన శ్రద్ధ తీసుకోవాలి. స్వార్థపరులైన వ్యక్తులు స్నేహితులుగా ఉంటూనే మీ గౌరవాన్ని తగ్గించడానికి చేసే ప్రయత్నాల్లో మీరు అశాంతికి లోనవుతారు. ఆరోగ్య విషయంలో న్యాయ సంబంధమైన విషయాలు, పో టీల కొరకు ఖర్చులు అధికంగా ఖర్చులు అధికంగా ఉంటాయి. వ్యాపార విస్తరణ విషయం జాగ్రత్తలు అవసరం. వారం మధ్యలో అనవసర ఆందోళన, ముఖ్య విషయాలు, ప్రయాణాలు వాయిదా పడడం, సహకరించే వ్యక్తుల నిరాకరణ, ఆర్థిక విషయాలు ఆటంకాలు మనస్థాపాన్ని కలిగిస్తాయి. అయినప్పటికీ మీ విల్ పవర్ తో ఇబ్బందులని సమన్వయ పరుచుకుంటూ ముందుకెడతారు. వారాంతంలో తండ్రితో చర్చిస్తారు, వృత్తిపరమైన అభివృద్ధి కొరకు చేసే ప్రయత్నాలు సానుకూలంగా ఉంటాయి. దూర ప్రదేశాలలో నూతన అవకాశాలు. విష్ణు సహస్రనామాలు వినడం మంచిది

మిధున రాశి...(మృగశిర 3 4,ఆరుద్ర 1 2 3 4,పునర్వసు 1,2,3 పాదాలు) (నామ నక్షత్రములు: కా, కి, కూ, ఖం , జ్ఞ, చ్చ, కే, కో, హ, హి)  

వారం ప్రారంభంలో ద్వితీయాధిపతి అయిన చంద్రుడు షష్ట స్థానంలో, షష్ఠ లాభాధిపతి అయిన కుజుడు పంచమ స్థానంలో సంచారం. కుటుంబ సభ్యులతో గానీ, ఆర్థిక విషయాలలో వాగ్దానాలు చేసేటప్పుడు జాగ్రత్త అవసరం. ముఖ్యంగా ధనం సమయానికి సర్దుబాటు అయ్యే విషయంలో, సమయానికి తీసుకున్న వ్యక్తులు ఇవ్వకపోవడం వల్ల కూడా రుణములు చేసే అవకాశాలు. పరుష మైన మాటల వల్ల ఘర్షణలు, శత్రుత్వాలు పెరగకుండా జాగ్రత్తపడాలి. వీలైనంత తక్కువగా మాట్లాడాలి. కంటి ఆరోగ్య విషయంలో, కొత్త ప్రదేశాల్లో ఆహార స్వీకరణ సమయంలో జాగ్రత్త అవసరం. వారం మధ్యలో పూర్వపు శ్రమకు తగిన ఫలితం గుర్తింపు గౌరవం నూతన సంబంధాలు మైత్రి బంధాలు పెరుగుతాయి. జీవిత భాగస్వామితో అనుకూల వాతావరణం. వారాంతంలో ముఖ్యమైన విషయాలలో వృత్తి, వ్యాపారంశాలలో ప్రయాణాలలో ఆకస్మిక వాయిదాలు, అధిక ఒత్తిడి ఇబ్బందిని కలిగిస్తాయి. విద్యార్థులు నిత్యా నిమిత్తం దూర ప్రయాణాల కొరకు చేసే ప్రయత్నాలు , తండ్రి ఆరోగ్య విషయం, శ్రద్ధ అవసరం. లక్ష్మీదేవి అష్టోత్తర శతనామావళి మంచి ఫలితాన్ని ఇస్తుంది.

కర్కాటక రాశి...(పునర్వసు 4, పుష్యమి 1 2 3 4, ఆశ్లేష 1 2 3 4 పాదాలు) (నామ నక్షత్రములు: హి, హూ, హే, హో, డా, డీ ,డూ, డే, డో)

వారం ప్రారంభంలో లగ్నాధిపతి చంద్రుడు పంచమ స్థానంలో నీచ, పంచమ రాజ్యాధిపతి అయిన కుజుడు చతుర్ధ స్థానంలో సంచారం గమనించగా, ఉద్వేగము తో కూడిన ఆలోచనలు అధికంగా ఉంటాయి అవి ముఖ్యంగా సంతానము వారి ఆరోగ్యము అభివృద్ధి, స్థిరాస్తుల పెట్టుబడులు. మానసిక ప్రశాంతత తన్ని పెంచుకునే విధంగా యోగ మెడిటేషన్ వంటి ప్రయత్నాలు అధికం చేయాలి. అనవసర ఆలోచనలని నియంత్రించు కోవడానికి ఇష్టదేవతారాధన మంచిది. వృత్తిపరమైన విషయాలలో కన్సంటేషన్ తగ్గుతుంది. వారం మధ్యలో పట్టుదలగా పూర్తి చేయడానికి సంకల్పిస్తారు. దైనందన జీవితంలో పడుతున్న కష్టానికి తగిన ప్రతిఫలం విషయంలో నిరాశ నిస్పృహలు మానసిక శక్తిని తగ్గిస్తాయి. ముఖ్యంగా మీ వ్యక్తిగత ఆరోగ్యం మీద శ్రద్ధ అవసరం. కుటుంబముతో కలిసి ఆధ్యాత్మిక ప్రయాణాలు, నూతన వ్యక్తుల పరిచయాలు, మైత్రి బంధాలు. వారం చివరిలో అష్టమ చంద్ర రాహుయుతి మానసిక ఘర్షణ అని పెంచుతుంది. తెలియని ఆందోళన, విశ్రాంతి తక్కువ, నిద్రలేమి, ఆహార విషయంలో శ్రద్ధ తీసుకోవాలి. దుర్గాదేవి ఆరాధన మంచిది.

సింహరాశి...(మఖ 1 2 3 4, పుబ్బ 1 2 3 4, ఉత్తర 1వ పాదం) (నామ నక్షత్రములు: మా, మీ, మూ, మే, మో, టా, టీ, టూ, టే)

వారం ప్రారంభంలో వ్యయాధిపతి అయిన చంద్రుడు చతుర్దములోనీచ, చతుర్ద,న వమాధిపతి అయిన కుజుడు తృతీయ స్థానంలో, తల్లి ఆరోగ్యము, గృహ వాహన విషయాల ఖర్చులు మీద ప్రత్యేక శ్రద్ధ తీసుకుంటారు. భూమి వ్యవసాయ విషయాలు, స్థిరాస్తులు పెట్టుబడులు మిశ్రమ ఫలితాలు. విద్యార్థులు విద్యా సంబంధమైన విషయాలలో, నూతన అంశాలు నేర్చుకునేటప్పుడు డైవర్షన్ లేకుండా జాగ్రత్తగా ముందుకు వెళ్లాలి. వాహనాల నడిపేవారు శ్రద్ధ తీసుకోవాలి. వారం మధ్యలో అభివృద్ధి విషయంలో, వారి అవసరమైన వస్తువులు, వారికి ఎలక్ట్రానిక్ పరికరాలు కొనుగోలు చేస్తారు. పూర్వపు పెట్టుబడుల విషయం కొంత ఆశాజనకంగా ఉంటుంది. వ్యక్తిగత ఆరోగ్యం , రుణముల తీర్చే విషయం కొరకు ఖర్చులు. వారం చివరిలో నూతన వ్యక్తులతో మైత్రి, వ్యాపార విస్తరణ కొరకు, స్నేహ సంబంధాలు నిలుపుకొనుటకు ఆకస్మిక ఖర్చులు చేస్తారు. సూర్యనారాయణ స్వామి ఆరాధన మంచిది

కన్యా రాశి...(ఉత్తరఫల్గుణి 2 3 4,హస్త 4,చిత్త 1 2 పాదాలు) (నామ నక్షత్రములు: టో,పా,పి,పూ,షం,ణా,పే,పో)

వారం ప్రారంభంలో లాభాధిపతి అయిన చంద్రుడు తృతీయములో నీచ, తృతీయ అష్టమాధిపతి కుజుడు ద్వితీయ స్థాన సంచారం గమనించగా కమ్యూనికేషన్ విషయంలో, నిర్ణయ సామర్థ్యం జాగ్రత్తగా ఉండాలి, తోబుట్టువులు, మిత్రులు ఆర్థికపరంగా లేదా మాట సహాయం వంటి సహకారం కోరుకుంటారు, కానీ అపార్థములు రాకుండా జాగ్రత్తగా ఉండాలి, దగ్గర ప్రయాణాలు చేసేటప్పుడు పరిచయం లేని నూతన వ్యక్తుల విషయంలో జాగ్రత్తగా ఉండాలి. మీ శక్తిసామర్థ్యాలకు తగిన ఫలితము మిశ్రమంగా ఉంటుంది. వారం మధ్యలో గృహ వాతావరణం, తల్లి ఆరోగ్యం, విద్యాపరమైన విషయాలలో విద్యార్థులకు, అనుకూలంగా ఉంటాయి. వృత్తిపరమైన విషయాలలో శ్రమతో గౌరవాన్ని పొందుతారు. ఆలోచనలు ఫలిస్తాయి జ్ఞాపకశక్తిని పెంచుకుంటారు, సంతాన విషయంలో అభివృద్ధి. వారం చివరిలోఆత్మీయులైన వ్యక్తులతో విందు వినోదాల్లో పాల్గొంటారు. రోగ నిరోధక శక్తి పెరుగుతుంది, ఆరోగ్యం అనుకూలంగా ఉంటుంది, క్రీడాకారులకు అనుకూలం. నూతన నైపుణ్యాలు పెంచుకుంటూ ముందుకు వెళతారు. కొత్త వృత్తులకు అవకాశం. కనకధారా స్తోత్రం వినడం మేలు.

తులా రాశి...(చిత్త 3 4,స్వాతి 1 2 3 4, విశాఖ 1 2 3 పాదాలు) (నామ నక్షత్రములు: రా, రి, రూ, రె, రో, తా, తీ, తూ, తే)    

వారం ప్రారంభంలో రాజ్యాధిపతి చంద్రుడు ద్వితీయంలో నీచ, ద్వితీయ సప్తమాధిపతి కుజుడు జన్మరాశిలోనూ సంచారము, ముఖ్యంగా వృత్తి చేసే ప్రదేశాలలో వ్యక్తులతో మాట పట్టింపులకు విభేదాలకు దూరంగా ఉండాలి, గౌరవాన్ని పెంపొందించుకోవాలి. ఆర్థిక విషయాలు అసంతృప్తిగా ఉంటాయి. అధిక ఉద్వేగాలను నియంత్రించుకోవాలి. భాగస్వామితోనూ, వ్యాపార వ్యవహారాలలో వాదనలకు దూరంగా ఉండాలి. సోదర, బంధు వర్గంతో ఆర్థిక అంశాలు చర్చించేటప్పుడు వీలైనంత నిదానత అవసరం. వారం మధ్యలో వృత్తి చేసే ప్రదేశాలలో కొలీగ్స్ తో కమ్యూనికేషన్ లో, సహకారాన్ని ఆశించేటప్పుడు ఓపెన్ మైండ్ తో ముందుకు వెళ్లాలి. వృత్తిపరంగా సంబంధం లేని వ్యక్తుల జోక్యం చికాకు ని కలిగిస్తుంది. వారం చివరిలో గృహ వాతావరణం అనుకూలంగా ఉంటుంది, ఎక్కువ శ్రద్ధ తీసుకుంటారు. కుటుంబ సభ్యులతో చర్చలు చేస్తారు. విద్యార్థులకు పోటీ పరీక్షల మీద శ్రద్ధ పెరుగుతుంది. విదేశాల్లో ఉండే సంతానంతో, వారి వృత్తిపరమైన అభివృద్ధి, పెట్టుబడులు విషయంలో మీ సలహాని ఆశిస్తూ మీతో పంచుకుంటారు. లలితా సహస్రనామాలు వినడం మేలు

వృశ్చిక రాశి...(విశాఖ 4,అనురాధ 1 2 3 4, జేష్ఠ 1 2 3 పాదాలు) (నామ నక్షత్రములు: తో, నా, నీ, నూ, నె, నో, యా, యీ, యు)   

వారం ప్రారంభంలో నవమాధిపతి అయిన చంద్రుడు రాశిలో నీచ, లగ్న షష్ఠాధిపతి కుజుడు ద్వాదశ స్థానంలో సంచారము గమనించగా, తండ్రి ఆరోగ్యం మీద శ్రద్ధ తీసుకుంటారు, ప్రతి విషయంలో అసంతృప్తిని జయించే విధంగా ప్రయత్నాలు చేయాలి, రోగ నిరోధక శక్తి పెంచుకోవాలి, న్యాయ అంశాలు, ఇతరులకు ఇచ్చిన రావలసిన ధనం విషయం అసంతృప్తిని కలిగిస్తాయి. అవసరమైతే వైద్యులను సంప్రదించాలి. ఆత్మవిశ్వాసం, వృత్తిపరమైన నైపుణ్యాలు మిశ్రమ ఫలితాలు. వారం మధ్యలో కుటుంబ సభ్యులతో ఆకస్మిక ప్రయాణాలకి, వారి ఆరోగ్య శ్రద్ధకి ముఖ్యంగా సంతానం యొక్క అభివృద్ధికి ఆలోచనలు చేస్తారు. కుటుంబ వ్యక్తులతో ఆర్థిక, వాదనల వీలైనంత దూరంగా ఉండాలి. మీ క్రింది సిబ్బంది సహకరిస్తారు. సమయానికి తగిన విధంగా మాట్లాడడం స్ఫురించ కున్నట్లయితే మిత్రులతో, సోదర వర్గంతో అపార్థాలకి, అవకాశాలు కోల్పోవడానికి అవకాశం. విద్యార్థులు కమ్యూనికేషన్, రైటింగ్ స్కిల్స్ పెంచుకోవాలి. వారం చివరిలో స్థిరాస్తులు డ్రైవింగ్ విషయంలో జాగ్రత్తలు, వృత్తిపరమైన విషయంలో అధిక శ్రద్ధ బాధ్యతలు, ఆహారం వేళకు తీసుకోకపోవడం వల్ల అనారోగ్య సమస్యలు. సుబ్రమణ్యేశ్వర స్వామి ఆరాధన మంచిది

ధను రాశి...(మూల 1 2 3 4,పూర్వాషాఢ 1 2 3 4,ఉత్తరాషాఢ 1వ పాదం) (నామ నక్షత్రములు: యే, యో, భా,భీ, భూ, ధ, ఫ, డా, భే)

 ప్రారంభంలో అష్టమాధిపతి అయిన చంద్రుడు వ్యయ స్థానంలో నీచ, పంచమ వ్యయాధిపతి అయిన కుజుడు లాభ స్థానంలో సంచారం, ఆరోగ్య విషయంలో తగిన శ్రద్ధ అవసరము, రావలసిన ధనం సమయానికి రావడంలో ఆటంకాలు,సంఘంలో ఉన్నత స్థాయి, గౌరవం కలిగిన వ్యక్తులని,ముఖ్యంగా అనవసరమైన విమర్శలకి, ఆందోళనలకి దూరంగా ఉండాలి. రీసెర్చ్ పేపర్స్ కొరకు కొత్త ఆలోచనలు. వ్యక్తిగత శ్రద్ధ, ఇష్టమైన వ్యక్తుల కొరకు ఖర్చులు అధికంగా ఉన్నప్పటికీ అవి మీకు ఇబ్బందిగా భావించరు. నూతన భూ సంబంధ పెట్టుబడుల కొరకు ప్రయత్నాలు, చర్చలు. రైటింగ్ స్కిల్స్ పెరుగుతాయి, కొత్త రచనలు, కవితాత్మక ధోరణి వలన సంఘంలో గౌరవం. వారం చివరిలో ఆర్థిక సంబంధంగా, కుటుంబ బంధాల్లో, వాగ్దానాలు నిలబెట్టుకునే ప్రయత్నం చేయాలి. ముఖ్యమైన పనులు ఆలస్యాలు ఆటంకాలు. అయినప్పటికీ మీ శక్తి సామర్ధ్యాలతో ఇతరుల మీద ఆధార పడకుండానే సమయానికి పని పూర్తి చేస్తారు. వెంకటేశ్వర స్వామి ఆరాధన మంచిది

మకర రాశి...(ఉత్తరాషాఢ 2 3 4, శ్రవణం 1 2 3 4, ధనిష్ఠ 1 2 పాదాలు) (నామ నక్షత్రములు: భ,జా,జి,ఖి,ఖు,ఖే,ఖో,గా,గి)

వారం ప్రారంభంలో సప్తమాధిపతి లాభములో నీచ, చతుర్ధ లాభాధిపతి దశమ స్థానంలో, వ్యాపార వ్యవహారాల్లోనూ ప్రయాణాల్లోనూ స్వార్థపూరితమైన వ్యక్తులకు దూరంగా ఉండాలి. భాగస్వామ్య వ్యవహారాల్లో ఆచితూచి నిర్ణయాలు తీసుకోవాలి. జీవిత భాగస్వామికి రావలసిన లాభాలు మిశ్రమ ఫలితాలు ఇస్తాయి. గృహ వాహన విషయాలలో కొనుగోలు అంశాలలో కొత్త నిర్ణయాలు తీసుకుంటారు. విద్యార్థులు విద్యాసంబంధమైన అంశాలలో మంచి విజయం సాధించడానికి అధిక శ్రద్ధతో, ప్రణాళికతో ముందుకు వెళ్లాలి. వృత్తిపరంగా నూతన బాధ్యతలు అధిక శ్రమ, ఆర్థికపరమైన లాభం కొంత తక్కువ. వారం మధ్యలో విదేశీ ప్రయాణాల కొరకు ప్రయత్నాలు చేస్తారు. శత్రువుల మీద విజయం సాధిస్తూ నైపుణ్యాలు పెంచుకుంటారు. వారం చివర నిర్ణయ సామర్థ్యం బావుంటుంది దగ్గర ప్రయాణాలు అనుకూలిస్తాయి. తోబుట్టువులతో దీర్ఘ చర్చ చేస్తారు. మాట్లాడేటప్పుడు భాగస్వామి కుటుంబ సభ్యులతో విరోధాలు రాకుండా జాగ్రత్తగా ఉండాలి. నరసింహ స్వామి ఆరాధన మంచిది

కుంభ రాశి...(ధనిష్ట 3 4, శతభిషం 1 2 3 4, పూర్వాభాద్ర 1 2 3 పాదాలు) (నామ నక్షత్రములు: గూ, గే, గో, సా, సి, సు, సే, సో, దా)    

వారం ప్రారంభంలో షష్ఠాధిపతి అయిన చంద్రుడు దశమములో నీచ, తృతీయ దశమాధిపతి అయిన కుజుడు నవమ స్థానం, శ్రమకి తగిన ప్రతిఫలం తక్కువగా ఉందని భావిస్తారు, వృత్తి పరమైన నైపుణ్యాలు పెంచుకుంటూ, అధిక శ్రమతో ముందుకు వెళతారు. వృత్తిలో అనవసరమైన గాసిప్పులకు దూరంగా ఉండాలి. వృత్తి చేసే ప్రదేశాలలో కొలీగ్స్ తో, పై అధికారులతో మాట పట్టింపులకు తావివ్వరాదు. వృత్తి పరమైన అసంతృప్తి భావోద్వేగాలని పెంచుతుంది. వాటిని నియంత్రించుకోవాలి. దూర ప్రదేశాలలో ఉండే తోబుట్టువుల లేదా మిత్రుల సహకారంతో వృత్తి మార్పు కొరకు ప్రయత్నాలు. వారం మధ్యలో వృత్తికి సంబంధించిన విషయాల్లో కొంత ఆశాజనకంగా అవకాశాలు కనబడతాయి. పోటీలలో ఇంటర్వ్యూలలో ప్రతిభ చూపిస్తారు. కొన్నిసార్లు బంధువుల సహకారం బాగుంటుంది. వారం చివరిలో కుటుంబము కొరకు ఖర్చులు అధికంగా పెడతారు. వాయిదా పద్ధతిలో తీసుకున్న వస్తువుల కొరకు రుణములు చెల్లిస్తారు. నాయకత్వ లక్షణాలు పెరుగుతాయి. నారాయణస్వామి ఆరాధన మంచిది

మీన రాశి...(పూర్వాభాద్ర 4,ఉత్తరాభాద్ర 1 2 3 4,రేవతి 1 2 3 4 పాదాలు)(నామ నక్షత్రములు: దీ , దు, ఇ+, ఝ, ధా, దే, దో, చా, చి)

వారం ప్రారంభంలో పంచమాధిపతి చంద్రుడు నవమములో నీచ, ద్వితీయ నవమాధిపతి కుజుడు అష్టమ స్థానం, పెట్టుబడి విషయంలో జాగ్రత్తలు అవసరం, సంతాన ఆరోగ్యం ఆలోచనలు, మీ జ్ఞాపకశక్తి విషయం శ్రద్ధ అవసరం. కుటుంబ సంబంధమైన, ఆర్థిక విషయాలలో మిశ్రమ ఫలితాలు. సామాజిక సేవ చేస్తారు. తండ్రి నుంచి కొంతవరకు ఆర్థికంగా సహకారం లభించిన అసంతృప్తి అధికంగా ఉంటుంది. ఉన్నత విద్య కై దూర ప్రయాణాలు ఖర్చులతోనూ ,పెద్దల ఆరోగ్యం కొంత అశాంతిగా ఉంటాయి. రావలసిన ధనం సమయానికి అందడంలో ఆటంకాలు ఉండే అవకాశం ఉన్న రీత్యా ముందుగానే కొంత ధనాన్ని జాగ్రత్త చేసుకోవడం మేలు. వారం మధ్యలో వృత్తి పరంగా శ్రమ బాధ్యతలు అధికంగా ఉన్నప్పటికీ తగిన గుర్తింపు గౌరవాన్ని పొందుతారు. గృహ సౌఖ్యం బాగుంటుంది, విశాలమైన సౌకర్యాలు కలిగించుకుంటారు. వారం చివరిలో విదేశాల నుండి ఆహ్వానాన్ని, మంచి విషయాలు వర్తమానాలు అందుకుంటారు. సంతానం యొక్క అభివృద్ధి ఆనందాన్ని కలిగిస్తుంది. రచయితలకు గుర్తింపు అనుకూలం. ఆకస్మికమైన ప్రయాణాలు వల్ల అనవసరమైన ఖర్చులు అధికంగా ఉంటాయి కనుక ఆరోగ్యపరముగా శ్రద్ధ తీసుకుంటూ ప్రణాళికలు వేసుకోవాలి. నవగ్రహ దేవాలయ సందర్శన మేలు.

(గమనిక: గోచార రీత్యా చెప్తున్న రాశి ఫలితాలు జనరల్ వి, వ్యక్తిగతంగా ఉద్దేశించి చెబుతున్నవి కావు, వ్యక్తిగత జన్మజాతకంలో అనగా వ్యక్తి జన్మ కుండలి (జన్మించిన సమయం, తేదీ, ప్రదేశం ఆధారంగా నిర్మించేది) ప్రకారం నడిచే దశలు అంతర్దశలు ప్రధానంగా చూసుకుంటూ ఆ దశ అంతర్దశలకు సంబంధించిన దానికి తగిన పరిహారాలు పాటించుకుంటూ, దానితో పాటు ఈ గోచార ఫలితాలను చూసుకోవాలి. గోచార రీత్యా రాశి ఫలాలు అశుభము గా ఉండి దోషాలు ఉన్నప్పటికీ, జననకాల దశ ఫలములు శుభము గా ఉంటే రాశి ప్రస్తుత అశుభ ఫలితాలు స్వల్పంగానే ఉంటాయి. చిన్న చిన్న పరిహారాలు పాటించి శుభ ఫలితాలు పొందగలరు).

డా|| ఈడ్పుగంటి పద్మజారాణి / Dr Edupuganti Padmaja Rani

జ్యోతిష్యము & వాస్తు నిపుణురాలు / Astrology & Vaastu Consultant

email : padma.suryapaper@gmail.com

www.padmamukhi.com