'యుద్ధం చేయాలని లేదు, బలవంతంగా లాక్కొచ్చారు'

రష్యా-ఉక్రెయిన్ యుద్ధం భారతీయుల పాత్ర కూడా ఉందనే విషయం మరోసారి సంచలనంగా మారింది. ముఖ్యంగా ఈ రెండు దేశాల మధ్య జరుగుతున్న యుద్ధంలో రష్యా తరఫున భారతీయ యువకుడు యుద్ధం చేస్తూ.. తాజాగా ఉక్రెయిన్ దళాలకు పట్టుబడ్డాడు. ఈ విషయాన్ని నేరుగా ఉక్రెయిన్ అధికారులే వెల్లడించగా.. భారతీయు అధికారులు మాత్రం అధికారికంగా ఈ విషయాన్ని ధ్రువీకరించలేదు. అయితే మీడియాతో మాట్లాడుతూ.. సదరు వ్యక్తి సంచలన విషయాలను వెల్లడించాడు. తనకు యుద్ధం చేయాలని లేదని, తనను రష్యా బలంవంతంగా లాక్కెళ్లి యుద్ధ భూమిలో పడేసిందని పేర్కొన్నాడు.

ఉక్రెయిన్ మీడియా సంస్థ 'ద కీవ్ ఇండిపెండెంట్' నివేదిక ప్రకారం.. గుజరాత్‌‌లోని మోర్బీకి చెందిన 22 ఏళ్ల మజోటి సాహిల్ మొహమ్మద్ హుస్సేన్‌ను తాము అరెస్ట్ చేసినట్లు చెప్పింది. హుస్సేన్ మొదట చదువు నిమిత్తం రష్యాకు వెళ్లాడని పేర్కొంది. అయితే హుస్సేన్ రష్యాలో డ్రగ్స్ సంబంధిత నేరంలో పట్టుబడి ఏడేళ్ల జైలు శిక్ష అనుభవిస్తున్నాడని తెలిపింది. ఈ జైలు శిక్షను తప్పించుకోవడం, తగ్గించుకోవడం కోసం అతడు రష్యా ఆర్మీలో చేరాడని ఆరోపించింది. ఇందుకు రష్యా సైన్యం, అధికారులు అతడిపై తీవ్ర ఒత్తిడి తీసుకు వచ్చి మరీ అతడితో కాంట్రాక్టు కుదుర్చుకున్నట్లు స్పష్టం చేసింది.

ఎన్ని బామ్స్ రాసినా కీళ్ళ నొప్పులు, మోకాళ్ళ నొప్పులు తగ్గట్లేదా, ఇప్పుడు చెప్పినట్లుగా చేస్తే రెండే రోజుల్లో ప్రాబ్లమ్ సాల్వ్

ముఖ్యంగా ఉక్రెయిన్‌పై రష్యా చేపట్టిన 'స్పెషల్ మిలిటరీ ఆపరేషన్' కోసం.. ఆ దేశ సర్కారు జైలులో ఉన్న ఖైదీలను కూడా సైనికులుగా రిక్రూట్ చేసుకుంటోందని, ఈసందర్భంగానే హుస్సేన్‌ను కూడా బలవంతంగా ఇందుకు ఒప్పించి యుద్ధ రంగంలోకి దింపినట్లు చెప్పింది. అయితే ఎవరూ ఊహించని విధగా అతడికి కేవలం 16 రోజులు మాత్రమే సైనిక శిక్షణ ఇచ్చారని వివరించింది. పూర్తిస్థాయి శిక్షణ లేకుండా హుస్సేన్‌ను యుద్ధభూమిలోకి పంపినట్లు పేర్కొంది.

కానీ ఉక్రెయిన్ దళాలకు చిక్కిన తర్వాత హుస్సేన్ మీడియాతో మాట్లాడుతూ.. తాను స్వచ్ఛందంగా లొంగిపోయినట్లు వెల్లడించాడు. ఉక్రెయిన్ స్థావరం మూడు కిలో మీటర్ల దూరంలో కనిపించిన వెంటనే.. తన వద్ద ఉన్న ఆయుధాన్ని వదిలేసి లొంగిపోయానని చెప్పాడు. "నాకు పోరాడాలని లేదు, నాకు సహాయం కావాలి" అని ఉక్రెయిన్ దళాలను అభ్యర్థించినట్లు పేర్కొన్నాడు. రష్యన్ ఆర్మీలో పని చేసినందుకు డబ్బు చెల్లిస్తామని వాగ్దానం చేసినప్పటికీ.. ఇప్పటి వరకు తనకు ఒక రూపాయి కూడా ఇవ్వలేదని ఆవేదన వ్యక్తం చేశాడు.

అంతేకాకుండా.. తనకు రష్యాకు తిరిగి వెళ్లాలని ఏమాత్రం లేదని హుస్సేన్ చెప్పుకొచ్చాడు. జీవితాంతం ఉక్రెయిన్‌ జైల్లోనే ఉండడానికి తాను సిద్ధమేనని.. కానీ రష్యాకు మాత్రం తిరిగి వెళ్లలేనని స్పష్టం చేశాడు. అయితే ఈ విషయాన్ని భారత్ ఇంకా ధ్రువీకరించలేదు. తమకు ఉక్రెయిన్ నుంచి ఎలాంటి అధికారిక సమాచారం రాలేదని కూడా తెలిపింది. కానీ పెద్ద ఎత్తున వార్తలు వస్తున్న నేపథ్యంలో.. భారత ప్రభుత్వం దీనిని తీవ్రంగా పరిగణించి, దర్యాప్తు చేపట్టింది.