ఇలా చేస్త బెల్లీ, ఆర్మ్, థై ఫ్యాట్ తగ్గదు... తగ్గాలంటే ఇలా చేయాలి

ఆడవారితో పోలిస్తే మగవారు త్వరగా ఫిట్‌గా మారతారు. ఒక్కసారి బరువు పెరిగిన బరువుని తగ్గించుకోవడానికి ఆడవారు చాలా ట్రై చేయాల్సి ఉంటుంది. అయినప్పటికీ అనుకున్నంతగా రిజల్ట్ ఉండదు. దీనికి చాలానే కారణాలు ఉంటాయి. ముఖ్యంగా బెల్లీ ఫ్యాట్, ఆర్మ్ ఫ్యాట్, థై, బ్యాక్ ఫ్యాట్స్ అస్సలు తగ్గవు. దీంతో వారు చూడగానే లావుగా కనిపిస్తారు. ఈ ఫ్యాట్ తగ్గి ఫిట్‌గా మారేందుకు వారు చేయని ప్రయత్నమంటూ ఉండదు. ఎన్నో డైట్స్ చేస్తారు. వర్కౌట్స్ చేస్తారు. అయినప్పటికీ ఉపయోగం ఉండదు. దీనికి కారణం బాడీలో ఉండే కొన్ని హార్మోన్స్ అని చెబుతున్నారు డాక్టర్ సతీష్ ఎర్ర. దీని గురించి ఇన్‌స్టాగ్రామ్‌లో ఓ వీడియో షేర్ చేసిన డాక్టర్ కొన్ని విషయాలని చెబుతున్నారు. బరువు తగ్గేందుకు డైట్ చేస్తే సరిపోదని కొన్ని జాగ్రత్తలు తీసుకోవాలని సూచిస్తున్నారు. దాని గురించి పూర్తిగా తెలుసుకుందాం.

డైట్ మాత్రమే సరిపోదు

డాక్టర్ ప్రకారం డైట్ ఒక్కటి చేస్తే బరువు తగ్గరు. హార్మోన్స్ ప్రభావం వల్ల బరువు పెరుగుతారు. ఈ హార్మోన్స్ బ్యాలెన్స్‌గా ఉన్నప్పుడే బరువు తగ్గడం, పెరగకుండా జరుగుతుంది. ముఖ్యంగా, ఆడవారిలో ఎక్కువగా బెల్లీ, థై, బ్యాక్, ఆర్మ్ ఫ్యాట్స్ పెరుగుతాయి. ఇవన్నీ కడా హార్మోన్స్ కారణంగానే పెరుగుతాయి. వీటిని కంట్రోల్ చేయాలని చెప్పిన డాక్టర్ ఒక్కో ఫ్యాట్ తగ్గేందుకు ఏమేం చేయాలో చెబుతున్నారు.

బెల్లీ ఫ్యాట్ తగ్గేందుకు

ఆడవారిలో బెల్లీ ఫ్యాట్ పెరగడానికి ముఖ్య కారణం కార్టిసాల్ అనే హార్మోన్. ఇది పెరగడానికి కారణం సరైన నిద్ర లేకపోవడం. బెల్లీ తగ్గడానికి డైట్ చేసి బాడీకి విటమిన్స్ అందకుండా చేసే బదులు స్ట్రెస్‌ని తగ్గించుకోవాలి. కార్టిసాల్‌ని తగ్గించాలి. దీనికి హాయిగా నిద్రపోవాలని సూచిస్తున్నారు. నిద్రలేమి కారణంగా ఒత్తిడి పెరుగుతుందని, దీని వల్ల బెల్లీ పెరుగుతుందని ఆయన సూచిస్తున్నారు. కచ్చితంగా 8 గంటలు నిద్రపోవాలని, దీంతో పాటు కచ్చితంగా వర్కౌట్ అంటే కనీసం 10 వేల అడుగులు అయినా వేయాలని సూచిస్తున్నారు. ఇలా చేస్తే చాలా వరకూ బెల్లీ తగ్గుతుందని చెబుతున్నారు.

ఆర్మ్ ఫ్యాట్

ఇక ఆర్మ్ ఫ్యాట్ కూడా ఆడవారికి ఉండే మరో ముఖ్య సమస్య. దీనికి కారణం బాడీలో ఇన్సులిన్ ఎక్కువగా ఉండడం. కాబట్టి, దీనిని తగ్గించుకోవాలి. ఇన్సులిన్ తగ్గేందుకు డైట్ కాకుండా స్నాక్స్ , జంక్ ఫుడ్ తగ్గించాలి. అంటే కేక్స్, పేస్ట్రీస్, జంక్ ఫుడ్స్ వంటి వాటిని తగ్గించాలి. దీంతో ఆర్మ్ ఫ్యాట్ పెరుగుతుంది. ఇవి తినాలనే కోరిక రావడానికి కారణం క్రేవింగ్స్. దీని కారణం ప్రోటీన్ తీసుకోకపోవడం అందుకే, రోజూ కనీసం 100 గ్రాముల ప్రోటీన్, హెల్దీ ఫ్యాట్స్ తీసుకోవాలి. దీనికోసం 2 గుడ్లు తీసుకోవాలి. వీటిని తీసుకోవడం వల్ల రోజుకి సరిపడా ప్రోటీన్ అందుతుంది. దీంతో ఆర్మ్ ఫ్యాట్ తగ్గుతుంది. దీంతో జంక్ ఫుడ్, బిర్యానీస్ వంటి జోలికి వెళ్ళరని చెబుతున్నారు.

హిప్ ఫ్యాట్

ఆడవారిలో బ్యాక్ ఫ్యాట్ ఎక్కువగా ఉంటుంది. దీనికి కారణం ఈస్ట్రోజన్ ఎక్కువగా ఉండడం. పీరియడ్స్ టైమ్‌లో ఈస్ట్రోజన్ పెరిగి ఫ్యాట్ పెరుగుతుంది. దీనిని తగ్గించుకోవాలనుకుంటే ఎక్సర్‌సైజ్ చేయాలి. క్రూసెఫెరస్ వెజిటేబుల్స్, గ్రీన్ వెజిటేబుల్స్ అంటే క్యాబేజీ, కాలీఫ్లవర్, ఆకుకూరలు, బి12, చేపలు వంటివి ఎక్కువగా తీసుకోవాలి. ఎక్సర్‌సైజ్ కచ్చితంగా చేయడం చాలా ముఖ్యం.

ఆడవారు బరువు తగ్గాలంటే ఏం చేయాలి?

వీటితో పాటు

నీరు ఎక్కువగా తీసుకోవాలి.

స్ట్రెస్ తగ్గించుకోవాలి. దీనికోసం నిద్రతో పాటు ధ్యానం చేయాలి.

యోగా కొన్ని స్ట్రెచెస్ చేయాలి.

పోర్షన్ కంట్రోల్ చేయాలి. మంచి పోషకాహారం తీసుకోవాలి.

రోజులో ఎంతో కొంత వర్కౌట్ చేయడం మంచిది.

ముందుగా బరువు తగ్గట్లేదనే ఆలోచన పక్కనపెట్టి ఒత్తిడిని తగ్గించుకుని సరైన విధంగా ట్రై చేయండి. ఎంత చేసినా బరువు తగ్గకపోతే ఏవైనా ప్రాబ్లమ్స్ ఉన్నాయో మెడికల్ టెస్టులు చేయించుకోవాలి.