రోజూ గుడ్లు తింటే బాడీలో కొలెస్ట్రాల్ పెరుగుతుందా

మనలో చాలా మంది ఈజీగా తీసుకోగలిగే బ్రేక్‌ఫాస్ట్‌లో గుడ్లు అని చెబుతారు. ఉడికించి, ఆమ్లెట్ ఇలా ఎన్నో రకాలుగా ఈజీగా, ఫాస్ట్‌గా చేసుకునే హెల్దీ ఫుడ్ ఇది. గుడ్లలో ఉండే ప్రోటీన్, విటమిన్స్, ఖనిజాలు కండరాలని నిర్మించడం దగ్గర్నుంచీ బ్రెయిన్ పనితీరు మెరుగ్గా మార్చడం వరకూ ఎన్నో లాభాలని అందిస్తుంది. వీటిని తినడం వల్ల ఆరోగ్యానికి ఎంతో మంచిదని చెప్పడం దగ్గర్నుంచీ కొంతమంది వీటిని రోజూ తింటే బ్లడ్ కొలస్ట్రాల్ లెవల్స్ పెరిగి గుండె సమస్యలు పెరుగతాయని చెబుతారు. ఇందులో నిజమేంటో తెలుసుకునే ప్రయత్నం చేద్దాం.

మంచి కొలెస్ట్రాల్, చెడు కొలెస్ట్రాల్

కొలెస్ట్రాల్ అంటే ఎప్పుడు కూడా మంచిది కాదనే ఆలోచన నిజమైంది కాదు. నిజానికీ మన శరీరంలో అనేక పనుల కోసం కొలెస్ట్రాల్ అవసరం. మన బాడీలో కొవ్వులని జీర్ణం చేయడం, విటమిన్ డి, పిత్త ఆమ్లాలను తయారుచేయడంలో కొలెస్ట్రాల్ హెల్ప్ చేస్తుంది. ఇందులో మంచి కొలెస్ట్రాల్, చెడు కొలెస్ట్రాల్ రెండూ ఉంటాయి. చెడు కొలెస్ట్రాల్ అంటే LDL ఇది మన ధమనుల్లో పేరుకుపోయి వాటిని ఇరుగ్గా చేసి గుండె జబ్బుల మస్యని పెంచుతుంది. అదే మంచి కొలెస్ట్రాల్ అంటే HDL రక్తప్రవాహం నుండి చెడు కొలెస్ట్రాల్‌ని తొలగించి గుండెని కాపాడుతుంది. లివర్ కొలస్ట్రాల్‌ని సహజంగానే ఉత్పత్తి చేస్తుంది. కానీ, మాసం, జున్ను, గుడ్డు సొనల వంటి ఫుడ్స్ కూడా నకి మేలు చేస్తాయి. కాబట్టి, కొలెస్ట్రాల్‌ పూర్తిగా తగ్గించడం కాదు. చెడు కొలెస్ట్రాల్, మంచి కొలెస్ట్రాల్‌ని బ్యాలెన్స్ చేయడం చాలా ముఖ్యం.

ఓ గుడ్డులో ఎంత కొలెస్ట్రాల్

ఓ గుడ్డులోని కొలెస్ట్రాల్ ఎక్కువ పచ్చసొన లో ఉంటుంది. పెద్ద గుడ్డులో దాదాపు 186 మిల్లీగ్రాములు ఉంటుంది. రక్తంలో చెడు కొలెస్ట్రాల్ ఎక్కువగా ఉంటే గుండె సమస్యల ప్రమాదం పెరుగుతుంది. కాబట్టి, గుడ్లు ఎక్కువగా తీసుకోవద్దు. ​

కొన్ని అధ్యయనాల ప్రకారంరోజుకి సగం గుడ్డు తింటే గుండె సమస్యలు, మరణాల శాతం తగ్గుతుందని తేలింది. అయితే, ఆహారంలోని కొలెస్ట్రాల్ చాలా మందికి మీరక్తంలో అధిక కొలెస్ట్రాల్‌గా మారదు. ఎందుకంటే, మీ లివర్ మీరు తినేదాన్ని బట్టి ఎంత కొలెస్ట్రాల్‌ని ఉత్పత్తి చేస్తుందో బ్యాలెన్స్ చేస్తుంది.

తినే కొలెస్ట్రాల్ గుండె ఆరోగ్యాన్ని ఎఫెక్ట్ చేస్తుందా

కొన్ని పరిశోధనల ప్రకారం, మీ లివర్ మీ రక్తంలో కొలెస్ట్రాల్‌కి ప్రధాన మూలం. మీ కొలెస్ట్రాల్ లెవల్స్‌ని నిజంగా ఎఫెక్ట్ చేసేవి వెన్న, పేస్ట్రీస్ వంటి ట్రాన్స్‌ఫ్యాట్స్. కాబట్టి, రోజుకి ఓ గుడ్డు తినడం చాలా మంచిది. అయితే, గుడ్లని ఎలా తింటారనేది ముఖ్యం. చీజ్, వెన్నతో నిండిన వేయించిన గుడ్లు ఉడికించిన గుడ్డుతో తృణధాన్యాల టోస్ట్, అవకాడో ఇలా మనం గుడ్లతో ఎలా తీసుకుంటామనే విషయంపై కొలెస్ట్రాల్ పెరగడం అనేది ఆధారపడి ఉంటుంది.

రోజూ గుడ్లు తినొచ్చా

రోజూ గుడ్లు నిరభ్యంతరంగా తినొచ్చు అని చెబుతున్నారు ఎక్స్‌పర్ట్స్. రోజుకో గుడ్డు తిన్నవారిలో గుండె సమస్యలు, స్ట్రోక్స్ వచ్చే ప్రమాదం తక్కువగా ఉంటుంది. తిన్న వ్యక్తులతో పోలిస్తే, గుడ్లలో లుటీన్, జియాక్సంతిన్ వంటి యాంటీ ఆక్సిడెంట్స్ ఉంటాయి. ఇవి కంటి ఆరోగ్యాన్ని కాపాడి వాపుని తగ్గిస్తాయి. మితంగా, బ్యాలెన్స్డ్ డైట్‌లో భాగంగా గుడ్లు తినడం మంచిది.

ఎలా తినాలి

హెల్దీ, బ్యాలెన్స్డ్ డైట్‌లో భాగంగా గుడ్లని మితంగా తీసుకోవాలి. గుడ్లని బటర్, చీజ్‌తో తినే బదులు కూరగాయలు, హెర్బ్స్, తృణధాన్యాలతో కలిపి తినండి. దీంతో మీ భోజనం పోషకాలతో నిండినట్లుగా ఉంటుంది. సంతృప్త కొవ్వులు తగ్గుతాయి. గుడ్లని ఉడికించి తినడం మంచిది. రోజూ ఒకటి లేదా రెండు గుడ్లు తినాలి. దీంతో గుండె ఆరోగ్యానికి చాలా మంచిది.