OnePlus Ace 6 లాంచ్: 7800mAh బ్యాటరీ, క్రేజీ ఫీచర్స్ & IP66/68/69/69K రేటింగ్

ఈ ఫోన్ 6.83 అంగుళాల 1.5K AMOLED డిస్‌ప్లేతో వస్తుంది, ఇది 60Hz నుండి 165Hz వరకు ఆటోమేటిక్‌గా మారే వేరియబుల్ రిఫ్రెష్ రేట్‌ను సపోర్ట్ చేస్తుంది. "Bright Eye Protection" టెక్నాలజీతో పాటు "Little Gold Label" ఐ ప్రొటెక్షన్ సర్టిఫికేషన్ కూడా కలిగి ఉండడం వల్ల, దీర్ఘకాలం ఉపయోగించినా కళ్లకు ఒత్తిడి తక్కువగా ఉంటుంది.స్మార్ట్‌ఫోన్ Snapdragon 8 Elite SoC చిప్‌సెట్‌తో పని చేస్తుంది మరియు గరిష్టంగా 16GB LPDDR5X ర్యామ్ అందిస్తుంది. గేమింగ్ కోసం ప్రత్యేకంగా రూపొందించిన Wind Chip Gaming Core సిస్టమ్ 165Hz ఫుల్ ఫ్రేమ్ రేట్‌తో స్మూత్ అనుభూతిని ఇస్తుంది. "Touch and Display Sync" ఫీచర్‌తో టచ్ స్పందన వేగంగా, ఖచ్చితంగా ఉంటుంది. షూటింగ్ సమయంలో మరింత స్థిరత కోసం ఫ్లాగ్‌షిప్ స్థాయి Gyroscope సెన్సిటివ్ ట్రాకింగ్ అందించబడింది. అధిక వేడి సమస్యను తగ్గించడానికి Glacier కూలింగ్ సిస్టమ్ కూడా అమర్చబడింది.డిజైన్ పరంగా, OnePlus Ace 6 ప్రీమియం ఫినిష్‌తో ఆకట్టుకుంటుంది. కాంపిటీటివ్ బ్లాక్, ఫ్లాష్ వైట్, క్విక్ సిల్వర్ రంగుల్లో లభ్యమయ్యే ఈ ఫోన్ "మైక్రో గ్రాడియంట్ సిల్క్ గ్లాస్" ఫినిష్, మెటల్ ఫ్రేమ్ మరియు OnePlus 15తో సమానమైన "మెటల్ క్యూబ్" డిజైన్ కలిగి ఉంది. IP66/68/69/69K రేటింగ్‌తో నీరు, ధూళి నుంచి పూర్తి రక్షణ లభిస్తుంది.ఫీచర్స్‌లో అల్ట్రాసోనిక్ ఫింగర్‌ప్రింట్ సెన్సార్, "Rain Touch" ఫీచర్‌, సోనీ 50MP మెయిన్ కెమెరా, హై-పర్ఫార్మెన్స్ X-ఆక్సిస్ వైబ్రేషన్ మోటార్, డ్యూయల్ స్టీరియో స్పీకర్స్, NFC, ఇన్‌ఫ్రారెడ్ రిమోట్ కంట్రోల్ ఉన్నాయి. కెమెరా పరంగా, 50MP (OIS) ప్రధాన కెమెరా, 8MP అల్ట్రా వైడ్ కెమెరా, 16MP ఫ్రంట్ కెమెరా 4K 60fps వీడియో రికార్డింగ్‌కు సపోర్ట్ చేస్తాయి.సాఫ్ట్‌వేర్‌లో Android 16 ఆధారిత ColorOS 16 నడుస్తుంది. 7800mAh బ్యాటరీతో వచ్చే ఈ ఫోన్ 120W SuperVOOC ఫాస్ట్ ఛార్జింగ్‌ను సపోర్ట్ చేస్తుంది. 16 నిమిషాల్లో 50% ఛార్జ్, 10 నిమిషాల్లో 3.3 గంటల గేమ్‌ప్లే అందించగల సామర్థ్యం ఉంది. "Bypass Power" మరియు "In-Game Recharge" వంటి స్మార్ట్ బ్యాటరీ ఆప్టిమైజేషన్ ఫీచర్స్ ప్రత్యేకత.ధరల విషయానికి వస్తే, 12GB + 256GB మోడల్ 2599 యువాన్ (రూ.32,200), 16GB + 256GB మోడల్ 2899 యువాన్ (రూ.35,900), 12GB + 512GB 3099 యువాన్ (రూ.38,400), 16GB + 512GB 3399 యువాన్ (రూ.42,100), టాప్ ఎండ్ 16GB + 1TB మోడల్ 3899 యువాన్ (రూ.48,300)కి లభిస్తుంది. ప్రీ-ఆర్డర్లు ప్రారంభమైనాయి, అక్టోబర్ 30 నుండి చైనాలో అధికారికంగా విక్రయాలు ప్రారంభం అవుతున్నాయి. భారత మార్కెట్‌లో ఈ మోడల్ OnePlus 15R పేరుతో, మరింత మెరుగైన కెమెరా స్పెసిఫికేషన్లతో విడుదల కానుంది.