పాక్ జీడీపీ కంటే 'మస్క్' జీతం 3 రెట్లు ఎక్కువ

ప్రపంచంలోని అత్యంత సంపన్నుల జాబితాలో టెస్లా అధినేత ఎలాన్ మస్క్ అగ్ర స్థానంలో కొనసాగుతున్నారు. అత్యంత సంపద కలిగిన ఆయన వేతన ప్యాకేజీ గురించి ప్రస్తుతం చర్చ కొనసాగుతోంది. టెస్లా కంపెనీ నుంచి ఆయనకు ట్రిలియన్ డాలర్ల వేతన ప్యాకేజీ ఇచ్చేందుకు ఆ సంస్థ వాటాదారులు అంగీకరించినట్లు అంతర్జాతీయ మీడియాల్లో కథనాలు వచ్చాయి. టెస్లా సీఈఓగా ఉన్న ఎలాన్ మస్క్‌కు ఈ ప్యాకేజీ ఇచ్చేందుకు 75 శాతానికి పైగా షేర్ హోల్డర్లు సైతం అంగీరించినట్లు పేర్కొన్నాయి. అయితే, రానున్న దశాబ్ద కాలంలో టెస్లా కంపెనీ అనుకున్న లక్ష్యాలను చేరినట్లయితేనే ఈ ప్యాకేజీ అందుతుందని షరతు పెట్టినట్లు తెలిపాయి.

టెస్లా సీఈఓగా ఎలాన్ మస్క్ వేతన ప్యాకేజీ విలువ పరంగా చూసుకుంటే భారత దేశ కరెన్సీ రూపాయిల్లో చూసుకుంటే అక్షరాల రూ.88 లక్షల కోట్లు. ఇది పాకిస్థాన్ జీడీపీ కంటే 3 రెట్లు ఎక్కువగా ఉండడం గమనార్హం. 2024 నాటికి పాకిస్థాన్ జీడీపీ 373 బిలియన్ డాలర్లుగా ఉంది. మైక్రోసాఫ్ట్ వంటి మల్టీ నేషనల్ కార్పొరేట్ కంపెనీల సీఈఓల వేతనల ప్యాకేజీలు ఎక్కువగా ఉన్నా వారితో పోలిస్తే మస్క్ ప్యాకేజీ ఎన్నో రేట్లు అధికంగా ఉండడం గమనార్హం. ఈ క్రమంలో ఇతర సీఈఓల వేతన ప్యాకేజీల వివరాలు తెలుసుకుందాం.

మైక్రోసాఫ్ట్ సీఈఓ సత్య నాదెళ్ల వేతన ప్యాకేజీ 79.1 మిలియన్ డాలర్లు

యాపిల్ సీఈఓ టిమ్ కుక్ వేతన ప్యాకేజీ 74.6 మిలియన్ డాలర్లు

ఎన్విడియా సీఈఓ జెన్సన్ హువాంగ్ 49.9 మిలియన్ డాలర్లు

ఎలీ లిల్లి సీఈఓ డేవిడ్ రిక్స్ వేతన ప్యాకేజీ 29.2 మిలియన్ డాలర్లు

మెటా సీఈఓ మార్క్ జుకర్ బర్గ్ 27.2 మిలియన్ డాలర్లు

ఆల్ఫాబెట్ సీఈఓ సుందర్ పిచాయ్ వేతన ప్యాకేజీ 10.7 మిలియన్ డాలర్లు

బ్రాడ్ కామ్ సీఈఓ హాక్ టాన్ వేతన ప్యాకేజీ 2.6 మిలియన్ డాలర్లు

అమెజాన్ సీఈఓ ఆండీ జస్సీ వేతన ప్యాకేజీ 1.6 మిలియన్ డాలర్లు

బెర్క్ షైర్ హాత్ వే సీఈఓ వారెన్ బఫెట్ వేతన ప్యాకేజీ 4 లక్షల డాలర్లుగా ఉంది.