ఆటో చుట్టూ పరదాలు కట్టుకుని రెచ్చిపోయిన జంట

కామాతురాణం.. నభయం.. నలజ్జా.. పెద్దోళ్లు ఏ ఉద్దేశంతో ఈ మాటన్నారో కానీ.. కామంతో కళ్లు మూసుకుపోయినోడికి సిగ్గూ, లజ్జ, భయం ఇలాంటివేవీ ఉండవని మరోసారి నిరూపితమైంది.. అది కూడా వీడియోతో సహా. మొన్నా మధ్య హైదరాబాద్‌లో ఓ జంట ఆటోలోనే సిగ్గూ, ఎగ్గూ మర్చిపోయి రెచ్చిపోయిన సంగతి తెలిసిందే. చాదర్ ఘాట్ బ్రిడ్జి మీద ఆటోలో వెళ్తూ మనోళ్లు సాగించిన సరస సల్లాపాలు..నెట్టింట చక్కర్లు కొట్టాయి. దీన్ని చూసిన జనం ఛీఛీ ఇదేం పాడుపని అంటూ నోరెళ్లబెట్టారు. అయితే అలాంటి ఘటనే ఇప్పుడు ఆంధ్రప్రదేశ్‌లో జరిగింది. హైదరాబాద్ ఆటోవాలా రన్నింగ్ ఆటోలో తన ప్రతిభాపాటవాలు ప్రదర్శిస్తే.. ఏలూరులో మాత్రం కాస్త పద్ధతి పాటించారనే చెప్పొచ్చు. నాలుగు గదుల మధ్య చేయాల్సిన రొమాన్స్.. నలుగురి మధ్యన చేస్తూ.. శృంగారం అనే పదానికి సరికొత్త నిర్వచనం చెప్పిందో జంట.

ఏలూరులో నవంబర్ 18న ఈ ఘటన జరిగినట్లు తెలిసింది. ఏలూరులోని వాసావారివీధిలో ఈ యవ్వారం చోటుచేసుకుంది. ఓ జంట నడిరోడ్డుపైనే బరితెగించి పోయింది. ఆటో చుట్టూ పరదాలు కట్టుకుని.. పట్టపగలు, నట్టనడి వీధిలో.. చుట్టూరా జనం తిరుగుతున్నారనే స్పృహ లేకుండా.. బరితెగించి రెచ్చిపోయింది. నవ్విపోదురు గాక నాకేటి సిగ్గూ అనే రీతిలో ముద్దులు, హగ్గులతో రెచ్చిపోయింది. రోడ్డు పక్కనే ఆటోను నిలిపి.. బయట ప్రపంచంతో పని లేకుండా తమ పనిలో మునిగిపోయింది. అయితే ఈ యవ్వారాన్ని అక్కడే ఉన్న కొందరు ఓ షాపులో నుంచి వీడియో తీశారు. యవ్వనపు పొంగో, హార్మోన్ల ప్రభావమో.. మరీ పచ్చిగా చెప్పాలంటే కామమో కానీ.. ఆ జంట ఈ సంగతిని గమనించలేకపోయింది. దీంతో షాపులో ఉన్న వ్యక్తి వీడియో తీసి.. సోషల్ మీడియాలో పోస్ట్ చేశాడు. అయితే వీడియో తీస్తున్న సంగతి గమనించి.. ఆటో అక్కడి నుంచి వెళ్లిపోయింది..

 అయితే ఈ వీడియో వైరల్ కావటంతో.. నెటిజనం పలు రకాలుగా కామెంట్లు చేస్తున్నారు. ఆగలేక ఆటోలోనే పనిమొదలెట్టిన మనోళ్లు.. చుట్టూ పరదా అయితే కట్టుకున్నారు కానీ.. కిటికీ వదిలేశారంటూ కామెంట్లు పెడుతున్నారు. ఆటోకు అయితే పరదా కట్టారు కానీ.. ఆటో సైడ్ వైపు నుంచి వీరి యవ్వారం మొత్తం షాపులోని వ్యక్తికి కనిపించింది. దీంతో ఎవరో వీడియో తీసి సోషల్ మీడియాలో షేర్ చేశారు. దీనిని చూసిన నెటిజనం.. ఇదేం పోయేకాలమంటూ మండిపడుతున్నారు. పట్టపగలు రోడ్డుపై, ఆటోలో ఉన్నామనే సోయి లేకుండా ఇలా రెచ్చిపోతారా అంటూ కామెంట్లు పెడుతున్నారు.