గవర్నర్లకు బిల్లులపై ‘నాలుగో ఆప్షన్’ లేదు.. సుప్రీంకోర్టు కీలక తీర్పు

సుప్రీంకోర్టు బుధవారం రాష్ట్ర గవర్నర్లు మరియు రాష్ట్రపతి బిల్లుల ఆమోదం విషయంలో ఎనలేని ఆలస్యం చేయకూడదని స్పష్టమైన ఆదేశాలు జారీ చేసింది. అయితే బిల్లును ఆమోదించేందుకు లేదా తిరస్కరించేందుకు నిర్దిష్ట గడువు విధించలేమని, అది రాజ్యాంగంలో అందించిన వారి అధికారాలను కుదించడమే అవుతుందని పేర్కొంది. ఈ తీర్పు ద్వారా రాష్ట్రపతి, గవర్నర్లు బిల్లులను సకాలంలో పరిశీలించి నిర్ణయం తీసుకోవాల్సిన బాధ్యతను గుర్తు చేసింది.
రాష్ట్ర గవర్నర్లకు బిల్లుపై మూడే మార్గాలు మాత్రమే ఉన్నాయని సుప్రీంకోర్టు మరోసారి స్పష్టం చేసింది – బిల్లుకు ఆమోద ముద్ర వేయడం, రాష్ట్రపతి పరిశీలనకు పంపడం లేదా సవరణల కోసం అసెంబ్లీకి తిరిగి పంపడం. ఈ మూడింటికి మించి వేరే ఏ నాలుగో ఆప్షన్ లేదని, అలాంటి రిజర్వేషన్ లేదా పాకెట్ వీటో రాష్ట్ర గవర్నర్లకు రాజ్యాంగం ఇవ్వలేదని న్యాయస్థానం ధృడంగా వెల్లడించింది.
అయితే బిల్లులను నెలలు, సంవత్సరాల తరబడి పెండింగ్‌లో పెట్టడం రాజ్యాంగ యంత్రాంగానికి విరుద్ధమని కోర్టు ఆందోళన వ్యక్తం చేసింది. ఇటీవల తమిళనాడు, పంజాబ్, కేరళ, తెలంగాణ వంటి రాష్ట్రాల్లో గవర్నర్లు డజన్ల కొద్దీ బిల్లులను సంవత్సరాలుగా నిరవధికంగా పెండింగ్‌లో ఉంచడం వల్ల శాసన వ్యవస్థ స్తంభించిన ఉదంతాలు దేశవ్యాప్తంగా చర్చనీయాంశమయ్యాయి.
ఈ తీర్పు ద్వారా గవర్నర్లు రాజకీయ పక్షపాతం లేకుండా రాజ్యాంగ బాధ్యతలను నిర్వర్తించాలని సుప్రీంకోర్టు గట్టిగా హెచ్చరించింది. బిల్లులపై సకాలంలో నిర్ణయం తీసుకోకపోవడం ఫెడరల్ వ్యవస్థకే గొడ్డలిపెట్టు అవుతుందని, అది రాజ్యాంగ లక్ష్యాలకు విరుద్ధమని న్యాయస్థానం రాష్ట్రాలకు స్పష్టమైన సందేశం ఇచ్చింది.