బ్లూ ఎకానమీలో ఏపీని నంబర్వన్ చేస్తాం.. వరల్డ్ ఫిషరీస్ డే సందర్భంగా సీఎం చంద్రబాబు ధీమా
Andhra Pradesh Telugu | Suryaa Desk | Published : Fri, Nov 21, 2025, 04:09 PM
ప్రపంచ మత్స్యకారుల దినోత్సవం సందర్భంగా ఆంధ్రప్రదేశ్ ముఖ్యమంత్రి నారా చంద్రబాబు నాయుడు రాష్ట్ర మత్స్యకారులకు, ఆక్వా రైతులకు హృదయపూర్వక శుభాకాంక్షలు తెలియజేశారు. సుదీర్ఘమైన 974 కిలోమీటర్ల సముద్ర తీరం, గోదావరి-కృష్ణా డెల్టా ప్రాంతాలతో ఏపీ బ్లూ ఎకానమీలో దేశంలోనే అగ్రస్థానంలో ఉందని ఆయన గుర్తుచేశారు. ఈ సహజ వనరులను సద్వినియోగం చేసుకుని రాష్ట్రాన్ని మరింత ఆర్థికంగా బలోపేతం చేయడమే తమ లక్ష్యమని స్పష్టం చేశారు.
మత్స్య వేట నిషేధ కాలంలో ఆర్థిక ఇబ్బందులు ఎదుర్కొనే మత్స్యకారుల కోసం ఈ ఏడాది 1.29 లక్షల మందికి రూ.20 వేల చొప్పున మొత్తం రూ.259 కోట్ల ఆర్థిక సాయం అందజేశామని సీఎం వెల్లడించారు. గతంతో పోలిస్తే ఈ మొత్తం గణనీయంగా పెరిగిందని, ఇది మత్స్యకారుల జీవనోపాధికి ప్రభుత్వం ఇచ్చే బలమైన మద్దతని ఆయన అన్నారు.
ఆక్వాకల్చర్ రంగాన్ని మరింత బలోపేతం చేయడానికి కీలక నిర్ణయం తీసుకుంటున్నట్లు చంద్రబాబు ప్రకటించారు. ఆక్వా రైతులకు కేవలం రూ.1.50 పైసాలకే విద్యుత్ యూనిట్ అందేలా చర్యలు చేపడుతున్నామని తెలిపారు. ఈ సబ్సిడీ విధానం అమలయితే ఉత్పత్తి ఖర్చు తగ్గి, రైతుల ఆదాయం గణనీయంగా పెరుగుతుందని ఆయన ధీమా వ్యక్తం చేశారు.
“ఆక్వా రంగాన్ని ఆంధ్రప్రదేశ్కు ఆశాకిరణంగా తీర్చిదిద్దుతాం” అని ట్విట్టర్లో హామీ ఇచ్చిన సీఎం చంద్రబాబు, రాష్ట్ర బ్లూ ఎకానమీని ప్రపంచ స్థాయికి తీసుకెళ్లేందుకు అన్ని చర్యలూ తీసుకుంటామని స్పష్టం చేశారు. మత్స్యకారులు, ఆక్వా రైతుల భవిష్యత్తు రోశనంగా ఉంటుందనే నమ్మకాన్ని ఆయన ఈ సందేశంతో నింపారు.
|
|