4 లేబర్ కోడ్‌లను నోటిఫై చేసిన కేంద్రం.. తక్షణమే అమలులోకి

 కేంద్ర ప్రభుత్వం చరిత్రాత్మక నిర్ణయం తీసుకుంది. ఉపాధి, కార్మిక రంగాలకు సంబంధించిన కీలక మార్పులను అమలులోకి తెచ్చింది. 29 కార్మిక చట్టాల స్థానంలో కొత్తగా రూపొందించిన 4 లేబర్ కోడ్స్ (కార్మిక స్మృతులు) నోటిఫై చేసింది. దేశవ్యాప్తంగా తక్షణమే అమలలోకి తీసుకొస్తున్నట్లు శుక్రవారం ప్రకటించింది. ఈ మేరకు కేంద్ర కార్మిక శాఖ ఓ ప్రకటన చేసింది. ఈ సందర్భంగా కార్మిక, ఉపాధి కల్పన మంత్రిత్వ శాఖ మాన్‌సుఖ్ మాండవీయ కీలక వ్యాఖ్యలు చేశారు. 'నాలుగు లేబర్ కోడ్‌లను నోటిఫై చేశాం. ఇకపై దేశవ్యాప్తంగా ఈ నాలుగు లేబర్ కోడ్స్ చట్టాలుగా మారాయి' అని ఆయన ప్రకటించారు.

వృత్తి పరమైన భద్రత, హెల్త్, పని ప్రదేశంలో పరిస్థితుల కోడ్ 2020 (Occupational Safety, Health And Working Conditions Code 2020)

కొత్త చట్టాలు అమలలోకి రావడంతో కార్మిక నిబంధనలు, కార్మికుల సంక్షేమం మెరుగవుతాయని కేంద్ర మంత్రి మాన్‌సుఖ్ మాండవీయా తెలిపారు. దేశీయ పరిశ్రమలు బలోపేతం అవుతాయని పేర్కొన్నారు. ఆత్మనిర్భర్ భారత్ లక్ష్య సాధనంలో భాగంగా మారుతున్న పరిస్థితులు, పని తీరుకు అనుగుణంగా శ్రామిక వ్యవస్థను సిద్ధం చేయడమే ఈ కార్మిక చట్టాల సంస్కరణ లక్ష్యమని ఆయన స్పష్టం చేశారు.

మరోవైపు.. మన దేశంలో అమలులో ఉన్న చాలా కార్మిక చట్టాలను 1930 నుంచి 1950 మధ్య కాలంలో రూపొందించినవేని కేంద్రం గుర్తు చేసింది.ఆ సమయంలో ఉన్న ఆర్థిక వ్యవస్థ, పని విధానం ఇప్పుడు ఉన్న విధానం కంటే పూర్తి భిన్నమని పేర్కొంది. ప్రపంచంలోని చాలా దేశాలు ఇప్పటికే తమ కార్మిక చట్టాలను సరళతరం చేసి ఏకీకృతం చేశాయని, కానీ భారత్ మాత్రం 29 పాత చట్టాల్లో ఉన్న సంక్లిష్టత, కాలం చెల్లిన రూల్స్‌తో ఇప్పటికీ కొసాగుతోందని తెలిపింది. ఈ సంస్కరణలతో ఆ సమస్య పూర్తిగా తొలిగిపోనుందని ధీమా వ్యక్తం చేసింది. కొత్త లేబర్ కోడ్‌లకు సంబంధించిన చట్టానికి 2020 లోనే ఆమోదం లభించింది. అయితే, వివిధ రాష్ట్రాల నిబంధలను నోటిఫై చేయడంలో జరిగిన జాప్యంతో ఆయా కోడ్‌ల అమలు వాయిదా పడుతూ వచ్చింది. మొత్తానికి నాలుగు లేబర్ కోడ్‌లు అమలులోకి వచ్చాయి.