పర్సనల్ లోన్ తీసుకోవాలని చూస్తున్నారా.. ఈ తప్పులు చేస్తే అప్పుల ఊబిలోనే

ఈ రోజుల్లో చాలా మంది లోన్లు తీసుకోవాలని చూస్తున్నారు. అవసరాలు అలా పెరిగిపోయాయో లేదా ధరలు పెరిగిపోయాయో కానీ డిజిటల్ లెండింగ్‌కు డిమాండ్ పెరిగిపోయింది. ముందుగా డబ్బుల కోసం స్నేహితుల్నో, బంధువుల్నో అడుగుతుంటారు. అక్కడ దొరక్కపోతే.. బ్యాంకుల్లో పర్సనల్ లోన్ల కోసమే చూస్తుంటారు. అయితే పర్సనల్ లోన్ అనేది అన్ సెక్యుర్డ్ లోన్ అని చెబుతుంటారు. ఇక్కడ మనం ఏం తాకట్టు పెట్టము కాబట్టి వడ్డీ రేట్లు ఇతర హోం లోన్, వెహికిల్ లోన్, గోల్డ్ లోన్ వంటి వాటితో పోలిస్తే ఎక్కువగానే ఉంటాయి. ఇతర ఛార్జీలు కూడా వర్తిస్తాయి. అందుకే.. పర్సనల్ లోన్ తీసుకునేముందు ఎన్నో జాగ్రత్తలు తీసుకోవాలి. ముందుగా బ్యాంకుల్లో వడ్డీ రేట్లను పోల్చుకొని.. దేంట్లో ఎలా ఉన్నాయో చూసుకొని సరైన బ్యాంకును ఎంచుకోవాలి.

పర్సనల్ లోన్ విషయంలో.. మనం కొన్ని జాగ్రత్తలు పాటించకపోతే ఇబ్బందులు పడే అవకాశం ఉంటుంది. ఇక్కడ దీర్ఘకాలంలో అప్పుల ఊబిలో కూరుకుపోవడం, అధిక వడ్డీ రేట్లు చెల్లించాల్సి రావడం, క్రెడిట్ స్కోరు పడిపోవడం వంటివి జరుగుతుంటాయి. మనం పర్సనల్ లోన్ తీసుకునే సమయంలో ఎలాంటి మిస్టేక్స్ చేయొద్దో చూద్దాం.

>> ఒకప్పటితో పోలిస్తే ఇప్పుడు లోన్ తీసుకోవడం అనేది చాలా సింపు‌ల్‌గా మారింది. ఇక్కడ కొన్ని అర్హతలు ఉంటే లోన్ ఈజీగానే వస్తుంది. ముందుగా ఇక్కడ మనకు కచ్చితంగా ఎంత మొత్తం లోన్ కాావాలనేది ముందుగా నిర్ణయించుకోవాలి. ఇందుకోసం మనకు ఎన్నో ఆన్‌లైన్ కాలిక్యులేటర్స్ అందుబాటులో ఉన్నాయి. దాని ప్రకారం.. మీ స్థోమతను బట్టి ఎంత లోన్ తీసుకోవాలో నిర్ణయించుకోవచ్చు.

>> ఇక్కడ ఏ అవసరానికి పడితే దాని కోసం పర్సనల్ లోన్ తీసుకోవద్దు. ముఖ్యంగా వైద్య అవసరాల కోసం, సర్జరీలు, పైచదువుల కోసం, హోం రెనోవేషన్ కోసం వంటి అవసరాల కోసం తీసుకోవచ్చు. లగ్జరీ అవసరాల కోసం, లగ్జరీ వాచ్‌లు, దుస్తుల కోసం, విలాసాలకు ఖర్చు చేయొద్దు.

>> లోన్ తీసుకున్నప్పుడు నిర్దేశిత సమయానికి ఈఎంఐలు చెల్లించాల్సి ఉంటుంది. ఏదైనా పేమెంట్ మిస్ చేయడం లేదా ఈఎంఐల్లో ఆలస్యం జరిగితే అప్పుడు పెనాల్టీలు పడొచ్చు. ఇంకా చట్టపరంగా చర్యలు తీసుకునేందుకు కూడా ఛాన్స్ ఉంటుంది.

>> మరో ముఖ్య విషయం.. ఒకేసారి ఒకటికి మించి పర్సనల్ లోన్ తీసుకునేందుకు ప్రయత్నించొద్దు. కొన్ని సార్లు లోన్ కోసం ఎక్కువ సార్లు ప్రయత్నించడం కూడా క్రెడిట్ స్కోరు పడిపోయేందుకు దారితీస్తుంది.

>> కొన్ని బ్యాంకులు ప్రీపేమెంట్ అవకాశాల్ని కల్పిస్తాయి. ఇక్కడ స్వల్ప ఛార్జీలతో ముందస్తు చెల్లింపులు చేసేందుకు అవకాశం ఉంటుంది.