ట్రెండింగ్
పాత కక్షల నేపథ్యంలో మహిళలపై దాడికి దిగిన వ్యక్తి, ఒక మహిళ మృతి
Andhra Pradesh Telugu | Suryaa Desk | Published : Wed, Jan 21, 2026, 02:01 PM
ఏలూరు జిల్లా జంగారెడ్డిగూడెంలో బుధవారం ఘోర కలి చోటు చేసుకుంది. సామాన్య తగాదాలు పెను విద్వేషంగా మారి ఒకరి ప్రాణాన్ని బలితీసుకోగా, మరో ముగ్గురిని ఆసుపత్రి పాలు చేశాయి. ముప్పిడి వివేక్ అనే వ్యక్తి పాత కక్షలను మనసులో పెట్టుకుని నలుగురు మహిళలపై గొడ్డలితో విచక్షణారహితంగా దాడికి తెగబడ్డాడు.ఈ భయానక ఘటనలో జీలుగులమ్మ (47) అనే మహిళ తీవ్ర రక్తస్రావమై ఘటనా స్థలంలోనే ప్రాణాలు కోల్పోయింది. నిందితుడి దాడిలో తీవ్రంగా గాయపడిన చుక్కమ్మ, ఉషారాణి, ధనలక్ష్మిలను స్థానికులు వెంటనే జంగారెడ్డిగూడెం ప్రభుత్వ ఆస్పత్రికి తరలించారు. ప్రస్తుతం వారి పరిస్థితి ఆందోళనకరంగా ఉన్నట్లు సమాచారం.కుటుంబ సభ్యుల మధ్య ఉన్న చిన్నపాటి తగాదాలు, పొలం సరిహద్దుల (గట్ల) విషయంలో గత కొంతకాలంగా నెలకొన్న వివాదాలే ఈ దారుణానికి దారితీసినట్లు తెలుస్తోంది.
|
|