కన్నకూతురిపై నాలుగేళ్లుగా అత్యాచారానికి పాల్పడుతున్న తండ్రి
national | Suryaa Desk | Published : Sun, Feb 01, 2026, 12:30 PM
గుజరాత్లోని ఉపలేటా పట్టణంలో తండ్రి ముసుగులో ఉన్న మృగం తన 15 ఏళ్ల కుమార్తెపై నాలుగేళ్లుగా లైంగిక దాడికి పాల్పడుతోంది. బాధితురాలి తల్లి నాలుగో దశ క్యాన్సర్తో మంచం పట్టిన సమయం నుంచే ఈ పైశాచికత్వం మొదలైంది. ఇంట్లో అందరూ నిద్రపోయాక అర్థరాత్రి వేళ కూతురి గదిలోకి వెళ్లి, ఆమె అరుపులు బయటకు వినిపించకుండా టీవీ సౌండ్ పెంచి మరీ అత్యాచారానికి పాల్పడేవాడు. ఎవరికైనా చెబితే చంపేస్తానని బెదిరించడంతో ఆ బాలిక ఇన్నాళ్లూ మౌనంగా నరకాన్ని అనుభవించింది.భరించలేక ఆ యువతి (ప్రస్తుతం 19 ఏళ్లు) జనవరి చివరి వారంలో ఇంటి నుంచి పారిపోయింది. తన కూతురు కనిపించడం లేదని ఆ తండ్రే స్వయంగా పోలీసులకు ఫిర్యాదు చేయడం గమనార్హం. అయితే, పోలీసులు ఆమెను కనిపెట్టి విచారించగా అసలు నిజం బయటపడింది. కౌన్సెలింగ్లో ఆమె తన తండ్రి చేసిన అకృత్యాలను పూసగుచ్చినట్లు వివరించింది. పోలీసుల విచారణలో మరో సంచలన విషయం వెలుగులోకి వచ్చింది. నిందితుడు తన 17 ఏళ్ల మేనకోడలిని కూడా గత కొంతకాలంగా వేధిస్తున్నట్లు ప్రాథమిక విచారణలో తేలింది. వృత్తిరీత్యా ఎలక్ట్రీషియన్ అయిన ఈ 45 ఏళ్ల నిందితుడిని పోలీసులు అరెస్ట్ చేసి పోక్సో (POCSO) చట్టం కింద కేసులు నమోదు చేశారు. మంచం పట్టిన నిందితుడి భార్యకు మెరుగైన చికిత్స అందించేలా జిల్లా యంత్రాంగం చర్యలు చేపట్టింది. ఈ కేసులో నిందితుడికి కఠిన శిక్ష పడేలా ఫాస్ట్ ట్రాక్ కోర్టులో విచారణ జరిపించాలని స్థానిక మహిళా సంఘాలు డిమాండ్ చేస్తున్నాయి.
|
|