ప్రెగ్నెంట్స్ ఈ ఫుడ్స్ జోలికి వెళ్ళొద్దు,,,,తిన్నారో

ఆడవారు ప్రెగ్నెంట్ అయితే వారే కాదు ఇంట్లోని వారు కూడా జాగ్రత్తగా ఉండాలి. ముఖ్యంగా ఆమె భర్త భార్య తినే ఫుడ్స్ విషయంలో చాలా కేర్ తీసుకోవాలి. తనకి, కడుపులోని బిడ్డకి హెల్ప్ చేసే ఫుడ్స్ తీసుకురావాలి. అంతేకానీ, ఇంటికి కొన్ని ఫుడ్స్, డ్రింక్స్ అస్సలు తీసుకురావొద్దు. అలాంటి ఫుడ్స్ లిస్ట్ గురించి డాక్టర్ శాంతి శ్రీ షేర్ చేసుకున్నారు. భార్యలు ప్రెగ్నెంట్స్‌గా ఉన్నప్పుడు భర్తలు కొన్ని ఫుడ్స్‌ని అసలే ఇంటికి తీసుకురావొద్దని, వాటి వల్ల వారికి తినాలనే కోరికలు పెరుగుతాయని చెబుతున్నారు ఆ ఫుడ్స్ లిస్ట్ ఇప్పుడు చూద్దాం.

కూల్‌డ్రింక్స్, నూడుల్స్

కూల్ డ్రింక్స్ అనేవి ఎప్పుడోసారి తీసుకోవచ్చు. నాన్‌కేఫినేటెడ్ డ్రింక్స్ తీసుకోవడం అప్పుడప్పుడు పర్లేదు. కానీ, రెగ్యులర్‌గా వీటిని తీసుకుంటే జెస్టేషనల్ డయాబెటిస్, అధికబరువు, గుండెల్లో మంట వంటి సమస్యలు రావడమే కాకుండా బిడ్డ ఎదుగుదలకి కూడా మంచివి కావు. అంతేకాకుండా, వాటి చల్లనిదనం పిండంలోని బిడ్డపై నెగెటీవ్ ఎఫెక్ట్స్‌ని చూపిస్తుంది. ఇందులోని హై షుగర్, ఆర్టిఫీషియల్ స్వీటెనర్స్, కెఫైన్స్ అన్ని కూడా తల్లీ, బిడ్డపై నెగెటీవ్ ఎఫెక్ట్స్‌ని చూపిస్తాయి.

నూడుల్స్: అదే విధంగా నూడుల్స్ తీసుకోవడం కూడా ప్రెగ్నెన్సీలో అస్సలు మంచిది కాదు. కారణం ఇందులో సోడియం, ప్రిజర్వేటివ్స్, రిఫైండ్ ఫ్లోర్ ఉంటుంది. వీటిని ఎప్పుడోసారి తీసుకోవడం మంచిదే. కానీ, వీటిని రెగ్యులర్‌గా తీసుకుంటే బ్లడ్ ప్రెజర్ పెరుగుతుంది. మలబద్ధకం పెరుగుతుంది. అంతేకాకుండా, వీటిలో ఎలాంటి పోషకాలు ఉండవు.

చిప్స్, పిజ్జాలు కూడా మంచివి కావు

బయట దొరికే చిప్స్ అయినా, ప్యాకేజ్డ్ చిప్స్ అయినా కూడా అస్సలు మంచివి కావు. వీటి వల్ల పిండం అభివృద్ధికి హాని కలుగుతుంది. కారణం హై టెంపరేచర్‌లో వీటిని వేయించేటప్పుడు అక్రిలామైడ్ అనే కెమికల్ వెలువడుతుంది. ఇది బిడ్డ బరువు, తల చుట్టుకొలత తగ్గడానికి కారణమవుతుంది. రెగ్యులర్‌గా తీసుకుంటే జెస్టేషనల్ డయాబెటిస్, అధిక బరువు, రక్తపోటు పెరగడం వంటి ప్రమాదాలకి కారణమవుతుంది. ​

పిజ్జా : పిజ్జా సాధారణంగా ప్రెగ్నెన్సీలో తినడం మంచిదే. కానీ, ఇది సరిగా చేసినప్పుడే. అదే విధంగా, సరిగ్గా వడ్డించినప్పుడే. వీటిని మోతాదులో తింటే ఏం కాదు. ఇందులో కూరగాయల్ని యాడ్ చేస్తాం. కాబట్టి, పోషకాలు ఉంటాయి. కానీ, కేలరీలు, ఫ్యాట్, సోడియం కూడా అంతే అధిక మొత్తంలో ఉంటాయి. దీని వల్ల బరువు, రక్తపెరగడం వంటి సమస్యలొస్తాయి. అయితే, ఇందులో అన్‌పాశ్చ్యరైజ్డ్ చీజ్, మీట్, కోల్డ్ టాపింగ్స్ వాడతాం. అందులో లిస్టేరియా, టోకోప్లాస్మోసిస్ వంటి బ్యాక్టీరియాలు ఉండే అవకాశం ఉంది. కాబట్టి, వీటిని కూడా అంతలా తినడం మంచిది కాదు.

బయటదొరికే చికెన్ వింగ్స్, బేకరీ ఐటెమ్స్

చికెన్ మంచి ప్రోటీన్. దీనిని తీసుకోవచ్చు. వీటితో వింగ్స్ అని తయారుచేస్తారు. అది ఇంట్లోనే తయారుచేసుకుని తింటే మంచిది. అలా కాకుండా, బయట కుక్ చేస్తారు. అందులో మనం నాణ్యతని గుర్తించలేం. చికెన్ పాడయ్యే ప్రమాదం ఉంది. అందులో బ్యాక్టీరియా ఉండే అవకాశం ఉంది. దీంతో పాటు వాడే పదార్థాలు ఎంత నాణ్యంగా ఉన్నాయో చూడలేం. కాబట్టి, ఇలాంటి చికెన్ వింగ్స్ తీసుకుంటే తల్లీ, బిడ్డకి ఇద్దరి మంచిది కాదు. దీని వల్ల తల్లీకి గుండెల్లో మంట వచ్చే అవకాశం ఉంది. ​

బేకరీ ఐటెమ్స్ : బేకరీలో దొరికే ఐటెమ్స్ అన్నీ కూడా మైదాతోనే తయారుచేస్తారు. ఇవి ఓ రకంగా చెప్పాలంటే మనకి ప్రాసెస్డ్ ఫుడ్, జంక్ ఫుడ్ అని చెప్పొచ్చు. వీటిలో ఎలాంటి పోషకాలు ఉండవు. కానీ, మైదా బదులు మనం ఇందులో ఓట్స్, రైజిన్స్, మిల్లేట్స్ వంటి వాటితో చేసుకుంటే మంచివి. వాటిని మనం తినొచ్చు.

ప్రాసెస్డ్ చికెన్, ఎక్కువగా ఉప్పు

అదే విధంగా, ప్రాసెస్డ్ ఫుడ్స్ అస్సలు తీసుకోవద్దు. అందులో బ్యాక్టీరియా పేరుకుపోయే ప్రమాదం ఉంది. ప్రాసెస్ చేసిన చికెన్‌తో తయారైన ఫుడ్స్ కూడా వద్దు. దీంతోపాటు, ఉప్పు ఎక్కువగా ఉండే ఫుడ్స్‌ని ఎంత అవాయిడ్ చేస్తే అంత మంచివి. వీటి వల్ల బీపి అమాంతం పెరుగుతుంది.

సిగరెట్స్, ఆల్కహాల్

ప్రెగ్నెంట్స్ ధూమ, మద్యపానానికి దూరంగా ఉండడం మంచిది. అదే విధంగా, వారు దగ్గర్లో ఉన్నప్పుడు వేరేవారు కూడా ఇలా సిగరెట్ స్మోక్ చేయడం అస్సలు మంచిది కాదు. ఆల్కహాల్ కూడా అస్సలు మంచిది కాదని చెబుతున్నారు. డాక్టర్ కాబట్టి, వాటి జోలికి వెళ్లకపోవడమే మంచిది.

ప్రెగ్నెంట్స్ తీసుకోకూడని ఫుడ్స్

కాఫీ, టీలు

ఇవి తక్కువ పరిమాణంలో తీసుకుంటే పర్లేదు. కానీ, మోతాదు మించి తీసుకుంటే అస్సలు మంచిది కాదు. సాధారణంగా రోజుకి 200 మిల్లీ గ్రాముల కెఫైన్ తీసుకోవడం మంచిది. కానీ, అంతకు మించి తీసుకుంటే మిస్‌క్యారేజ్ అయ్యే ప్రమాదం ఉంది. అంతేకాకుండా పుట్టే పిల్లలు తక్కువ బరువుతో పుట్టడం, నిద్ర సమస్యల లాంటి సమస్యలు వస్తాయి. కాబట్టి, వీటిని ఎక్కువగా తీసుకోవద్దు. అదే మీరు డాక్టర్‌ని కన్సల్ట్ అయి హెర్బల్ టీలు తీసుకోవచ్చు. దీని వల్ల ఎలాంటి సమస్యలు ఉండవు.