ఐపీఎల్ 2026 షెడ్యూల్ విడుదల,,,,మొదటి 20 మ్యాచ్‌ల వివరాలు ప్రకటన

భారత క్రికెట్ అభిమానులు ఎప్పుడెప్పుడా అని ఎదురుచూస్తున్న ఐపీఎల్ 2026 షెడ్యూల్ విడుదలైంది. దేశంలోని పలు రాష్ట్రాల్లో ఎన్నికలు ఉన్న నేపథ్యంలో తొలుత నిర్వహకులు.. మొదటి 20 మ్యాచ్‌లకు సంబంధించిన షెడ్యూల్‌ను విడుదల చేశారు. ఈ మేరకు బుధవారం అధికారికంగా ప్రకటన చేశారు. తొలి మ్యాచ్‌లో డిఫెండింగ్ ఛాంపియన్ రాయల్ ఛాలెంజర్స్ బెంగళూరు జట్టుతో.. సన్‌రైజర్స్ హైదరాబాద్ జట్టు తలపడనుంది. బెంగళూరులోని చిన్నస్వామి క్రికెట్ స్టేడియంలో ఈ మ్యాచ్‌ జరగనుంది.

వాస్తవానికి ఐపీఎల్ 2026 తొలి మ్యాచ్‌లో రాయల్ ఛాలెంజర్స్ బెంగళూరు, చెన్నై సూపర్ కింగ్స్ తలపడతాయని ప్రచారం జరిగింది. కానీ అలా జరగలేదు. ఆర్సీబీతో.. సన్‌రైజర్స్ హైదరాబాద్ ఢీకొట్టనుంది. ఈ మ్యాచ్ రాత్రి 7.30 గంటలకు జరుగుతుంది. మార్చి 28 నుంచి ఏప్రిల్ 12 దాకా తొలి విడత మ్యాచ్‌లు జరుగుతాయి. వచ్చే నెలలో పలు రాష్ట్రాల్లో అసెంబ్లీ ఎన్నికలు జరగనున్న విషయం తెలిసిందే. ఈ నేపథ్యంలో ఎన్నికల షెడ్యూల్ విడుదలయ్యాక.. ఐపీఎల్ 2026 పూర్తి షెడ్యూల్‌ విడుదల చేయనున్నట్లు ఐపీఎల్ నిర్వహకులు తెలిపారు.

మొదటి 20 మ్యాచ్‌ల షెడ్యూల్..

మార్చి 28 - ఆర్సీబీ vs సన్‌రైజర్స్ (బెంగళూరు)

మార్చి 29 - ముంబై vs కోల్‌కతా (ముంబై)

మార్చి 30 - రాజస్థాన్ vs సీఎస్కే (గువహటి)

మార్చి 31 - పంజాబ్ కింగ్స్‌ vs గుజరాత్ టైటాన్స్‌ (న్యూ ఛండీగర్‌)

ఏప్రిల్ 1 - లక్నో vs ఢిల్లీ (లక్నో)

ఏప్రిల్ 2 - కోల్‌కతా vs సన్‌రైజర్స్‌ (కోల్‌కతా)

ఏప్రిల్ 3 - సీఎస్కే vs పంజాబ్ కింగ్స్‌ (చెన్నై)

ఏప్రిల్ 4 - ఢిల్లీ vs ముంబై (ఢిల్లీ)

ఏప్రిల్ 4 - గుజరాత్ vs రాజస్థాన్‌ (అహ్మదాబాద్‌)

ఏప్రిల్‌ 5 - సన్‌రైజర్స్‌ vs లక్నో (హైదరాబాద్‌)

ఏప్రిల్ 5 - ఆర్సీబీ vs చెన్నై (బెంగళూరు)

ఏప్రిల్ 6 - కోల్‌కతా vs పంజాబ్‌ (కోల్‌కతా)

ఏప్రిల్ 7 - రాజస్థాన్‌ vs ముంబై (గువహటి)

ఏప్రిల్‌ 8 - ఢిల్లీ vs గుజరాత్ (ఢిల్లీ)

ఏప్రిల్ 9 - కోల్‌కతా vs లక్నో (కోల్‌కతా)

ఏప్రిల్ 10 - రాజస్థాన్ vs ఆర్సీబీ (గువహటి)

ఏప్రిల్ 11 - పంజాబ్ vs సన్‌రైజర్స్‌ (న్యూ చండీగర్‌)

ఏప్రిల్ 11 - సీఎస్కీ vs ఢిల్లీ (చెన్నై)

ఏప్రిల్ 12 - లక్నో vs గుజరాత్ (లక్నో)

ఏప్రిల్ 12 - ముంబై vs ఆర్సీబీ (ముంబై)

వీటిల్లో ఏప్రిల్ 4 - ఢిల్లీ vs ముంబై (ఢిల్లీ), ఏప్రిల్‌ 5 - సన్‌రైజర్స్‌ vs లక్నో (హైదరాబాద్‌), ఏప్రిల్ 11 - పంజాబ్ vs సన్‌రైజర్స్‌ (న్యూ చండీగర్‌), ఏప్రిల్ 12 - లక్నో vs గుజరాత్ (లక్నో) మ్యాచ్‌లు మధ్యాహ్నం 3.30కి ప్రారంభం కానున్నాయి.