‘నాపై తప్పుడు కథనాలు వచ్చాయి.. చాలా బాధపడ్డా’ – Lavanya Tripathi ఎమోషనల్
Andhra Pradesh Telugu | Suryaa Desk | Published : Sat, Mar 14, 2026, 11:41 PM
మెగా కోడలు Lavanya Tripathi తాజాగా సంచలన వ్యాఖ్యలు చేశారు. తన కెరీర్ ప్రారంభంలో ఎదుర్కొన్న చేదు అనుభవాన్ని ఆమె ఓ ఇంటర్వ్యూలో వెల్లడించారు. సినీ పరిశ్రమలో తాను కూడా క్యాస్టింగ్ కౌచ్ పరిస్థితులను ఎదుర్కొన్నానని చెప్పారు.ఒక తమిళ సినిమాలో నటించే అవకాశం వచ్చిన సమయంలో దర్శకుడి ప్రవర్తన తనకు అసౌకర్యంగా అనిపించిందని లావణ్య తెలిపారు. ఆ పరిస్థితులు సరిగా అనిపించకపోవడంతో ఆ సినిమాకు తానే నో చెప్పేశానని వివరించారు.ఆ సమయంలో తనకు ఎవరూ కూడా సరైన మద్దతు లేకపోయిందని ఆమె గుర్తుచేసుకున్నారు. ఆ సినిమాను వదిలేసిన తర్వాత కొందరు తనను టార్గెట్ చేసి ఇబ్బందులకు గురిచేశారని తెలిపారు. తనపై కేసులు పెట్టడమే కాకుండా మీడియా ద్వారా తప్పుడు కథనాలు ప్రచారం చేశారని ఆమె ఆవేదన వ్యక్తం చేశారు.ఈ ఘటనల వల్ల తాను తీవ్రంగా బాధపడ్డానని, ఏం చేయాలో అర్థం కాక చాలా ఏడ్చేశానని లావణ్య చెప్పారు. “ఒకప్పుడు నేను ఒక తమిళ సినిమా చేయాల్సి వచ్చింది. కానీ ఆ దర్శకుడి వ్యవహార శైలి నాకు సరిగ్గా అనిపించలేదు. అక్కడ నాకు సౌకర్యంగా లేదని భావించి ఆ ప్రాజెక్ట్ను వదిలేశాను. తర్వాత నా గురించి పత్రికల్లో తప్పుడు వార్తలు రాయడం ప్రారంభించారు” అని ఆమె వెల్లడించారు.
|
|