కమనీయం శ్రీ లక్ష్మీనరసింహస్వామి కళ్యాణోత్సవం
Bhakthi | Suryaa Desk | Published : Sun, May 15, 2022, 07:18 PM
రాయదుర్గం మండలం మల్లాపూర్ గ్రామంలో వెలసిన విప్రమలై శ్రీ లక్ష్మీనరసింహస్వామి కళ్యాణోత్సవం అత్యంత కమనీయంగా నిర్వహించారు. శ్రీ లక్ష్మీనరసింహస్వామి జయంతి ఉత్సవాల్లో భాగంగా ఆదివారం ఆలయ కమిటీ గౌరవ అధ్యక్షులు రామమూర్తి స్వామీజీ ఆధ్వర్యంలో ఆలయ ప్రధాన అర్చకులు సుబ్రహ్మణ్యం వేదపండితులు హరిప్రసాద్ భరద్వాజ్ స్వామివారికి పుష్పాలంకరణ, నైవేద్య పూజలు, మహామంగళహారతి, తీర్థ ప్రసాద వినియోగం నిర్వహించారు. అనంతరం స్వామివారి కల్యాణోత్సవం వేదపండితుల మంత్రోచ్ఛారణలు, బాజాభజంత్రీలతో శాస్త్రోక్తంగా నిర్వహించారు. అనంతరం లోకకల్యాణార్థం శాంతి హోమం నిర్వహించారు. పట్టణానికి చెందిన మురళి దంపతులు కుటుంబ సభ్యులు, ఆలయ కమిటీ అధ్యక్షులు బి. ఎన్ తిప్పేస్వామి, ఉపాధ్యక్షులు ధర్మారెడ్డి, సత్యనారాయణ. జిఎన్ నర్సింహులు, కార్యదర్శి గురురాఘవేంద్ర ప్రసాద్, వెంకటేశులు గుర్నాథరెడ్డి, రామిరెడ్డి, వెంకటరెడ్డి, తదితరులు పాల్గొన్నారు.
|
|