ట్రెండింగ్
అంతర్రాష్ట్ర గంజాయి ముఠా అరెస్ట్
Andhra Pradesh Telugu | Suryaa Desk | Published : Tue, Aug 23, 2022, 05:31 PM
ముంచంగిపుట్టు మండలం నుండి ఒరిస్సా రాష్ట్రం పాడువా వైపు లారీలో అక్రమంగా తరలిస్తున్న గంజాయిని పట్టుకుని ఆరుగురు అంతర రాష్ట్ర గంజాయి ముఠాను అరెస్టు చేశామని జి. మాడుగుల సీఐ సత్యనారాయణ, పెదబయలు ఎస్ఐ పులి మనోజ్ కుమార్ తెలిపారు. మత్స్యగెడ్డపై నిర్మించిన బ్రిడ్జి వద్ద తనిఖీలు చేయగా లారీలో 420 కిలోల గంజాయి బయటపడిందని వారు తెలిపారు.
ఉత్తరప్రదేశ్ చెందిన లారీతో పాటు ఒడిశాకు చెందిన ఒక కారు, పల్సర్ బైకును కూడా ఈ గంజాయి కేసులో సీజ్ చేసామని తెలిపారు. ఉత్తరప్రదేశ్ చెందిన సుభంసింగ్, బిట్టు కారా, ఒడిశాకు చెందిన బురిడి డమురు, ప్రశాంత్ బెహర, ముంచంగిపుట్టు మండలం బరడ గ్రామానికి చెందిన వంకెల కృష్ణ, పెదబయలు మండలం కుంతుర్ల పంచాయతీకి చెందిన కొర్ర కామేశ్వరరావులను అరెస్టు చేశామని వారు తెలిపారు.
|
|